नाशिक | प्रतिनिधी :
युवा क्रांती फाउंडेशनचे संस्थापक व राष्ट्रीय अध्यक्ष रविंद्र सूर्यवंशी यांच्या नेतृत्वाखाली ह.भ.प. मधुकर महाराज आहिरे यांची संस्थेच्या प्रदेशाध्यक्षपदी सलग तिसऱ्यांदा नियुक्ती करण्यात आली आहे. या नियुक्तीमुळे युवा क्रांती परिवारात आनंदाचे वातावरण असून विविध स्तरांतून त्यांच्यावर अभिनंदनाचा वर्षाव होत आहे.
संस्थेच्या कार्यात सातत्याने दिलेल्या योगदानाची आणि प्रभावी नेतृत्वाची दखल घेत ही नियुक्ती करण्यात आल्याचे सांगण्यात आले. सलग तिसऱ्यांदा प्रदेशाध्यक्षपदाची धुरा सांभाळण्याचा मान मिळवत ह.भ.प. मधुकर महाराज आहिरे यांनी संस्थेमध्ये एक नवा विक्रम प्रस्थापित केला आहे.
यावेळी संस्थापक व राष्ट्रीय अध्यक्ष रविंद्र सूर्यवंशी यांनी आहिरे महाराज यांच्या समाजाभिमुख कार्याचे कौतुक करत, आगामी काळात समाजसेवा, जनजागृती आणि संघटन विस्तारासाठी त्यांचे नेतृत्व महत्त्वपूर्ण ठरेल, असा विश्वास व्यक्त केला.
युवा क्रांती परिवारातील पदाधिकारी आणि कार्यकर्त्यांनी ह.भ.प. मधुकर महाराज आहिरे यांचे अभिनंदन करून त्यांच्या पुढील कार्यकाळासाठी शुभेच्छा दिल्या. तसेच संस्थापक रविंद्र सूर्यवंशी यांच्या नेतृत्वाखाली युवा क्रांती फाउंडेशन समाजहिताचे उपक्रम अधिक व्यापक स्वरूपात राबवेल, असा विश्वासही व्यक्त करण्यात आला.
