भोकर (विशेष प्रतिनिधी):
या आंदोलनाला जाहीर पाठिंबा देण्यासाठी भोकर येथे सुरू असलेल्या आमरण उपोषणाचा आज चौथा दिवस असून, आंदोलक बालाजी पाटील कदम (बटाळकर) यांची प्रकृती खालावत असतानाही त्यांचा निर्धार कायम आहे.
उपोषणाच्या चौथ्या दिवशी प्रशासनाने उपोषणस्थळी धाव घेतली. उपविभागीय अधिकारी (SDO) मेंगशेटे साहेब यांनी प्रत्यक्ष भेट देऊन बालाजी पाटील कदम यांच्या प्रकृतीची आस्थेने विचारपूस केली. यावेळी त्यांच्यासोबत नायब तहसीलदार यांच्यासह इतर महसूल व प्रशासकीय अधिकारी उपस्थित होते. प्रशासनाकडून उपोषणकर्त्यांच्या मागण्या जाणून घेत वैद्यकीय पथकाला नियमित तपासणीच्या सूचना देण्यात आल्या.
याप्रसंगी अखिल भारतीय छावा मराठा युवा संघटनेचे जिल्हा उपाध्यक्ष परमेश्वर पाटील सावळे (कोरगावकर), सिद्धेश्वर पाटील चिंचाळकर, संदीप पाटील येल्लुरे, दत्ताहरी पाटील कोळगावकर, सचिन सुंकळेकर यांच्यासह तालुक्यातील सकल मराठा समाजाचे पदाधिकारी, कार्यकर्ते आणि ग्रामस्थ मोठ्या संख्येने उपस्थित होते. जोपर्यंत आरक्षणाचा ठोस निर्णय होत नाही, तोपर्यंत लढा सुरूच ठेवण्याचा निर्धार यावेळी उपोषणकर्ते व उपस्थित बांधवांनी व्यक्त केला. उपोषणस्थळी वाढत्या पाठिंब्यामुळे भोकर परिसरातील वातावरण मराठामय झाले आहे
