अखेर मटका-जुगार, दारूबंदी व मावा विक्रीचे ११ गुन्हे; २४ हजार ८१० रुपयांचा मुद्देमाल जप्त…
प्रतिनिधी:-.दरिकांत कोळेकर
कुरुंदवाड:-येथील कुरुंदवाड पोलिस ठाण्याच्या हद्दीतील मटका-जुगार, दारू व मावा विक्री करणाऱ्यावर छापे टाकून एकूण ११ गुन्हे दाखल करून २४ हजार ८१० रुपये किंमतीचा मुद्देमाल जप्त करण्यात आला. तसेच अति वेगाने (भरधावं वेगाने)वाहन चालविणाऱ्यां विरोधात १३ गुन्हे, तर वाहतुकीस अडथळा होईल अशा पद्धतीने रस्त्यावर वाहने लावल्या प्रकरणी दोन गुन्हे दाखल करण्यात आले आहेत.
कोल्हापूर पोलिस अधीक्षकांच्या आदेशानुसार अवैध दारू, जुगार व मावा विक्रीवर कारवाई करण्याचे आदेश दिले होते. त्यानुसार कुरुंदवाड पोलिस ठाण्याचे सपोनि प्रभारी अधिकारी व बीट अंमलदार यांनी गोपनीय माहितीच्या आधारे दत्तवाड, कुरुंदवाड, शिरढोण व राजापूर परिसरात छापे टाकून कारवाई केली.
यामध्ये मटका-जुगाराचे ७, दारूबंदीचे ३, आणि मावा विक्रीचा १, असे एकूण ११ गुन्हे दाखल करण्यात आले. याशिवाय अति वेगाने (भरधावं वेगाने) वाहन चालविण्याबाबत १३, तर सार्वजनिक वाहतुकीस अडथळा निर्माण होईल अशा पद्धतीने रस्त्यावर वाहने लावल्याबाबत २ गुन्हे दाखल करण्यात आले.
आगामी सर्व सणा मध्ये व इतर काळातही कुरुंदवाड पोलिस ठाण्याच्या हद्दीत अवैध धंदे सुरू राहणार नाहीत, याबाबत खबरदारी घेत योग्य ती कारवाई करणार असल्याचा इशारा सहाय्यक पोलीस निरीक्षक शितलकुमार डोईजड यांनी दिला आहे.
त्यामुळे अवैध धंदे करणाऱ्यांचे धाबे दाणानले आहे. नूतन सपोनि डोईजड साहेब अवैध धंदे करणाऱ्यांचे कर्दन काळ बनणार का हे पाहणे इष्ठ ठरेलं.
