शरद जोशी यांच्या 91 व्या जयंतीनिमित्त अभिवादन

शरद जोशी समृद्ध समिती मार्फत विविध कार्यक्रम राबवणार

अंबाजोगाई (प्रतिनिधी)–
येथील साधना मंगल कार्यालयात शरद जोशी यांच्या 91 व्या जयंतीनिमित्त एका विशेष कार्यक्रमाचे आयोजन करण्यात आले. या कार्यक्रमात शरद जोशी समृध्द समिती ची स्थापना करण्यात येवून शरद जोशी समृध्द समिती मार्फत विविध कार्यक्रमांचे आयोजन करण्याचा निर्णय घेण्यात आला आहे.
येथील साधना मंगल कार्यालयात आयोजित करण्यात आलेल्या या कार्यक्रमात सर्व प्रथम शरद जोशी यांच्या प्रतिमेला पुष्पहार अर्पण करून विनम्र अभिवादन करण्यात आले.
या नंतर संघटनेचे नेते आमच्यात बापू गगणे यांनी आपल्या प्रास्ताविकात शरद जोशी यांच्या कार्य आणि विचारांवर प्रकाश टाकून शरद जोशी यांचे विचार कायम स्वरूपी विविध कार्यक्रमांचे आयोजन करण्या संदर्भात विचार व्हावा असे आवाहन केले.
या अनुषंगानेच या कार्यक्रमात एड. दिलीप करपे, नारायण पांडे, सुदर्शन रापतवार, वसंतराव मोरे विद्याधर पांडे, चंद्रकांत गायकवाड, रविकिरण श्रीरंगराव मोरे, दिपक गुणाले, संजय आपेट व इतरांनी आपले विचार व्यक्त केले.

या मनोगतात स्वातंञ्य हा शेतकरी संघटनेच्या विचारांचा गाभा आहे यावर सखोल चर्चा करण्यात आली. बदलत्या परिस्थितीत/परिस्थितीजन्य काय कार्यक्रम असावेत याविषयीही चर्चा झाली आणि हे विचार केवळ शेतकऱ्यांपर्यंतच नाही तर सर्व क्षेञातील समाज घटकांपर्यंत घेवून जाण्यासाठी शरद जोशींच्या नावाने युगात्मा शरद जोशी स्मृती समारोह सुरू करण्याचा सर्वानुमते निर्णयही या कार्यक्रमाच्या निमित्ताने झालेल्या बैठकीत आला.
या बैठकीस अच्यूत बापू गंगणे, नारायण पांडे, वसंतराव मोरे, सुदर्शन रापतवार, संजय आपेट, विनोदकुमार बुरांडे, रविकिरण मोरे, चंद्रकांत गायकवाड सर, ॲड दिलीप करपे, सतीष आपेट, अनुरथ मामडगे, राजेसाहेब पवार, दिनकर गुणाले, दत्तात्रय गंगणे, सूर्यकांत राठोड, विद्याधर पांडे, वैजेनाथ बर्डे, गणेश मोरे, महेश मोरे, विनोद मोरे, कृषीमिञ इस्माईल शेख व इतर अनेक जण उपस्थित होते.