शाखा स्थापना व सदस्य नोंदणी अभियानाला उत्स्फूर्त प्रतिसाद
धुनकवाड : प्रहार संघटनेच्या बीड जिल्ह्यात सुरू असलेल्या शाखा स्थापना व सदस्य नोंदणी अभियानांतर्गत धुनकवाड (ता. धारूर) येथे प्रहार संघटनेच्या शाखेची स्थापना करण्यात आली. जिल्हाध्यक्ष रघुनाथ तोंडे व धुनकवाडचे ज्येष्ठ नागरिक तथा माजी सरपंच गोरख यादव यांच्या हस्ते शाखेची स्थापना करण्यात आली.
यावेळी महादेव कांगणे, अशोक तोंडे, बळीराम तोंडे, जगदिश गोरे, प्रभु गव्हाणे, मधुकर यादव, दत्ता यादव, दत्ता गायकवाड, पांडुरंग कांगणे यांच्यासह प्रहारचे कार्यकर्ते व ग्रामस्थ उपस्थित होते.
यावेळी शाखेच्या पदाधिकाऱ्यांची निवड करण्यात आली. शाखाध्यक्षपदी सुनील कांगणे, उपाध्यक्षपदी मक्रध्वज पांचाळ तर सचिवपदी दत्ता गायकवाड यांची निवड करण्यात आली.
यावेळी जिल्हाध्यक्ष रघुनाथ तोंडे यांनी प्रहार संघटनेच्या माध्यमातून शेतकरी, दिव्यांग, कष्टकरी, कामगार तसेच सर्वसामान्य नागरिकांच्या प्रश्नांसाठी सातत्याने संघर्ष करण्यात येत असल्याचे सांगितले. बीड जिल्ह्यातील प्रत्येक गावात संघटनेच्या शाखा स्थापन करून जास्तीत जास्त नागरिकांनी प्रहार संघटनेचे सदस्यत्व घ्यावे, असे आवाहन त्यांनी केले.
धुनकवाड येथे शाखा स्थापन झाल्याने परिसरातील सर्वसामान्यांच्या प्रश्नांना संघटित व्यासपीठ मिळणार असून, प्रहार संघटनेच्या कार्याला गावपातळीवर अधिक बळ मिळणार आहे.
