🌾 शेतकऱ्यांच्या न्याय्य हक्कासाठी शिवसेना खंबीरपणे मैदानात! 🚩🌾विरपक्षी मैंदर्गी अक्कलकोट तालुका प्रतिनिधी

अक्कलकोट तालुक्यातील शेतकऱ्यांच्या विविध न्याय्य मागण्यांसाठी कलहिप्परगे येथे सामाजिक कार्यकर्ते व शेतकऱ्याचा बुलंद आवाज म्हणून ओळखले जाणारे आनंद अण्णा बुक्कानुरे यांच्या नेतृत्वाखाली सुरू असलेल्या आमरण उपोषणास मा. गृहराज्यमंत्री तथा शिवसेनेचे नेते सिद्धाराम म्हेत्रे साहेब आणि मा. जि. परिषद सदस्य तथा शिवसेनेचे नेते आनंद (अण्णा) तानवडे यांनी उपोषणस्थळी भेट देऊन शेतकऱ्यांच्या व्यथा, अडचणी आणि मागण्या जाणून घेतल्या.

शेतकऱ्यांचा प्रश्न हा केवळ एखादी मागणी नसून, त्यांच्या जगण्याचा आणि भवितव्याचा प्रश्न आहे. शेतकऱ्यांच्या कष्टाला, घामाला आणि त्यांच्या हक्काला न्याय मिळालाच पाहिजे, या ठाम भूमिकेतून उपोषणकर्ते व शेतकरी बांधवांशी सविस्तर चर्चा करण्यात आली.

यावेळी सिद्धाराम म्हेत्रे साहेब व आनंद (अण्णा) तानवडे यांनी शेतकऱ्यांना आश्वस्त केले की, त्यांच्या सर्व मागण्यांची सविस्तर माहिती शिवसेनेचे मुख्य नेते तथा महाराष्ट्र राज्याचे उपमुख्यमंत्री मा. ना. एकनाथ शिंदे साहेब यांची भेट घेऊन त्यांच्या निदर्शनास आणून देण्यात येईल. तसेच शेतकऱ्यांच्या प्रश्नांवर शासनस्तरावर सखोल चर्चा करून न्याय्य आणि कायमस्वरूपी तोडगा काढण्यासाठी सर्वतोपरी प्रयत्न केले जातील, अशी ग्वाही यावेळी देण्यात आली.

🌾 शेतकऱ्यांच्या प्रमुख मागण्या 🌾

▪️ अक्कलकोट तालुक्यातील शेतकऱ्यांना सन २०२५ व २०२६ च्या खरीप हंगामातील पीक विम्याची रक्कम तातडीने मिळावी.

▪️ यावर्षी पावसाच्या अनिश्चिततेमुळे व निर्माण झालेल्या दुष्काळी परिस्थितीच्या पार्श्वभूमीवर सरसकट शेतकऱ्यांना शासनाकडून दुष्काळ निधीचे वितरण करण्यात यावे.

▪️ तालुक्यातील सिंचन व्यवस्थेला बळकटी देण्यासाठी ठोस नियोजन करण्यात यावे.

▪️ तलाव जोड प्रकल्प व पाणी उपलब्धतेच्या उपाययोजनांना गती देऊन शेतीसाठी कायमस्वरूपी सिंचनाची सुविधा निर्माण करण्यात यावी.

शेतकऱ्यांच्या डोळ्यातील अश्रू पुसण्यासाठी केवळ आश्वासन नव्हे, तर ठोस निर्णय आणि प्रत्यक्ष मदत मिळणे गरजेचे आहे. शेतकऱ्यांच्या हक्कासाठी आणि त्यांच्या उज्ज्वल भविष्यासाठी शिवसेना त्यांच्या पाठीशी खंबीरपणे उभी आहे .🚩🌾

यावेळी शावळ, घुंगरेगाव, करजगी तसेच आसपासच्या परिसरातील मोठ्या संख्येने शेतकरी बांधव उपस्थित होते.