सह्याद्री शिक्षण संस्था सावर्डे संचलित शिवाजीराव उर्फ बाबासाहेब सुर्वे माध्यमिक विद्यालय निवळी येथे दहीहंडी उत्सव व डॉक्टर सर्वपल्ली राधाकृष्णन यांच्या जयंतीनिमित्त शिक्षक दिन विविध उपक्रमांनी साजरा करण्यात आला. या दिवशी विद्यालयातील इयत्ता पाचवी ते दहावीच्या छात्र शिक्षकांनी अतिशय उत्तम नियोजन करून सकाळी परिपाठापासून ते शाळा सुटेपर्यंत दिवसभर शाळा चालवली. कार्यक्रमाच्या सुरुवातीला छात्र शिक्षक मुख्याध्यापिका कुमारी. अंतरा मोरे, यांच्या शुभहस्ते दीप प्रज्वलन व प्रतिमा पूजन करण्यात आले .यानंतर या छात्र शिक्षक मार्फत विद्यालयाचे मुख्याध्यापक श्री दळवी सर , पर्यवेक्षक श्री. जाधव सर व सर्व शिक्षकांचे स्वागत करण्यात आले. त्यानंतर येथे अवनी कांबळे हिने डॉक्टर सर्वपल्ली राधाकृष्णन व शिक्षक दिन याविषयी आपली मनोगत व्यक्त केले. यावेळी मुख्याध्यापक श्री . दळवी सर यांनी या विद्यार्थ्यांना विद्यालयाच्या वतीने शुभेच्छा दिल्या .या कार्यक्रमाचे सूत्रसंचालन कुमारी. आराध्या शिंदे हिने केले तर आभार कुमारी . अवनी कांबळे हिने मांडले. यानंतर छात्र मुख्याध्यापक यांच्या मार्गदर्शनाखाली इयत्ता पाचवी ते दहावीच्या 35 छात्र शिक्षकांनी दिवसभर उत्तम रित्या शाळा चालवून आपल्या मधील नेतृत्व गुण दाखवले. यानंतर भारतीय संस्कृतीचे जतन व्हावे व भारतीय सण उत्सवांचे महत्त्व विद्यार्थी मनात रुजवण्यासाठी ,श्रीकृष्ण जन्माष्टमी निमित्त दहीहंडी उत्सव मोठ्या जल्लोषात साजरा करण्यात आला . यावेळी विद्यालयातील विद्यार्थ्यांनी पारंपरिक गीताच्या तालावर ठेका धरत दहीहंडी फोडून उत्सवाचा आनंद लुटला. या दहीहंडी उत्सवाचा आनंद या विद्यालयातील सर्व विद्यार्थी, विद्यार्थिनी ,शिक्षक, शिक्षकेतर कर्मचारी यांनी लूटत भारतीय संस्कृतीतील ऐकायचे दर्शन घडवले .
+
