॥ प्रसिद्धी पत्रक ॥
चांदूर रेल्वे (दि. १५ ऑक्टोबर २०२६):
संविधानाच्या आर्टिकल ३२६ नुसार नागरिकांना मिळालेल्या मतदानाच्या घटनात्मक अधिकाराचे संरक्षण करण्यासाठी, तसेच मतदार याद्यांमधून मनमानी पद्धतीने नावे वगळण्याच्या प्रकाराविरोधात अखिल भारतीय काँग्रेस कमिटी व घटक पक्ष इंडिया आघाडीच्या वतीने श्री. परिक्षित जगताप यांच्या नेतृत्वात चांदूर रेल्वे येथे तीव्र जनआंदोलन करण्यात आले. या प्रसंगी चांदूर रेल्वेचे तहसीलदार यांच्यामार्फत माननीय पंतप्रधानांना निवेदन पाठवण्यात आले.
निवेदनातील प्रमुख मुद्दे व मागण्या:
१. चौकशी व उत्तरदायित्व: देशभरात SIR च्या नावाखाली मतदार याद्यांमधून मनमानी पद्धतीने नावे वगळून मतदारांचा वैधानिक हक्क हिरावून घेण्यात आला आहे, याची संपूर्ण चौकशी करून संबंधितांवर जबाबदारी निश्चित करण्यात यावी.
२. मुख्य निवडणूक आयुक्तांवर कारवाई: मुख्य निवडणूक आयुक्त श्री ज्ञानेश कुमार यांना पदावरून दूर करून त्यांच्याविरुद्ध तातडीने न्यायालयीन कारवाई करण्यात यावी.
३. संविधानाच्या आर्टिकल ३२६ चे जाहीर वाचन: विरोधी पक्षनेते मा. राहुलजी गांधी यांच्या नेतृत्वात सुरू असलेल्या आंदोलनाच्या समर्थनार्थ चांदूर रेल्वे तालुका व शहर काँग्रेस कमिटीच्या वतीने संविधानाच्या आर्टिकल ३२६ चे जाहीर वाचन करण्यात आले.
“मत वाचवा – देश वाचवा” या घोषणेसह जोपर्यंत मतदारांच्या हक्कांचे रक्षण होत नाही आणि दोषींवर कारवाई केली जात नाही, तोपर्यंत हा संघर्ष आणि लढा निरंतर सुरूच राहील, असा इशारा या जनआंदोलनाद्वारे देण्यात आला. या आंदोलनाची गांभीर्याने दखल घेऊन वरिष्ठ स्तरावरून योग्य ती कारवाई करण्यात यावी, अशी विनंतीही निवेदनाद्वारे करण्यात आली आहे.
या प्रसंगी श्री. परिक्षित जगताप, काँग्रेस कमिटीचे तालुका अध्यक्ष श्री अमोल दि. होले, श्री विठ्ठलभाऊ जगताप, रावसाहेब शेळके विनोद जोशी, सतीश चौधरी, राजेंद्र राजनेकर, बाळासाहेब ठाकरे, श्रीनिवास सूर्यवंशी, अनिल भाई सौदागर, छोटू दादा सूर्यवंशी, प्रशांत कोल्हे, सुधीर नालगे जयंत शेळके, प्रफुल कोकाटे, देवानंद खुणे, श्याम पणपालिया, भावेश देशमुख, राजूभाऊ लांजेवार, वसंतराव गाढवे, अशोकराव चौधरी, अजय होटे, सक्षम वानखडे, अर्जुन देशमुख, सुमित सरदार, विक्रांत भैसे, शैजात सौदागर, सागर दुर्योधनआणि इंडिया आघाडीचे सर्व प्रमुख पदाधिकारी व कार्यकर्ते मोठ्या संख्येने उपस्थित होते.
