देशमुखवाडी शिंदेवाडी दिनेश जाधव प्रतिनिधी : सोलापूर जिल्हा गटसचिव संघटनेच्या संचालकपदी निवड झालेल्या मा. श्री. महेश धायगुडे यांचा माढा लोकसभेचे खासदार मा. श्री. धैर्यशील भैय्यासाहेब मोहिते पाटील यांच्या हस्ते नियुक्तीपत्र प्रदान करून भव्य सत्कार करण्यात आला.
यावेळी खासदार मोहिते-पाटील यांनी महेश धायगुडे यांचे पुष्पगुच्छ देऊन अभिनंदन केले आणि त्यांच्या पुढील वाटचालीस शुभेच्छा दिल्या.
या सत्कार सोहळ्यासाठी माळशिरस तालुक्यातील इतर सचिव बांधव मोठ्या संख्येने उपस्थित होते. सर्वांनी एकत्र येत धायगुडे यांच्या निवडीचे स्वागत केले. गटसचिव संघटनेच्या माध्यमातून गाव पातळीवरील प्रश्न सोडवण्यासाठी धायगुडे हे आता अधिक ताकदीने काम करतील, असा विश्वास यावेळी व्यक्त करण्यात आला.
महेश धायगुडे हे जनसेवक, समाजसेवक आणि प्रामाणिक नेतृत्व म्हणून संपूर्ण जिल्ह्यात परिचित आहेत. त्यांच्या संचालकपदी निवडीमुळे गटसचिव संघटनेला एक लढवय्ये आणि अभ्यासू नेतृत्व मिळाले आहे.
संपूर्ण सोलापूर जिल्ह्यातून महेश धायगुडे यांच्यावर अभिनंदनाचा वर्षाव होत असून, त्यांच्या निवडीमुळे सहकार चळवळीला नवी दिशा मिळेल, अशी भावना कार्यकर्त्यांनी व्यक्त केली.
