स्टेअरिंगचा बॉल जॉइंट तुटल्याने अपघात झाल्याची प्राथमिक माहिती | स्थानिक नागरिकांकडून देवदूतासारखी मदत
मंडणगड/रत्नागिरी (तालुका प्रतिनिधी:राकेश.चिलबे.)
मंडणगड तालुक्यातील आंबडवे-लोणंद मार्गावरील पालेकोंड-तुळशी दरम्यान गुरुवारी दुपारी १२:३० वाजण्याच्या सुमारास बोलेरो गाडीचा (क्र. MH 08 W 8295) भीषण अपघात झाला. गाडीचे स्टेअरिंग लॉक झाल्याने बोलेरो थेट डाव्या बाजूला उलटून हा अपघात घडला, ज्यामध्ये जावळे गावातील तब्बल ८ प्रवासी जखमी झाले आहेत.
स्टेअरिंग लॉक झाल्याने घडला अपघात
मिळालेल्या माहितीनुसार, जावळे गावाहून मंडणगडकडे येत असताना तुळशी घाटात अचानक वाहनाच्या स्टेअरिंगचा बॉल जॉइंट तुटला आणि स्टेअरिंग लॉक झाले. त्यामुळे चालकाचा गाडीवरील ताबा सुटला आणि बोलेरो रस्त्याच्या डाव्या बाजूला उलटली.
अपघातातील जखमींची नावे:
या भीषण अपघातात जावळे गावातील खालील नागरिक जखमी झाले आहेत:
गीता महाडिक
सुचिता भानसे
शिवानी शिगवण.
आदित्य पवार.
सायली पवार.
कमलाकर भानसे.
सिद्धी भानसे.
सुजाता शिगवण.
स्थानिक नागरिक अन् राजकीय कार्यकर्त्यांचा मदतीचा हात
अपघाताची बातमी समजताच स्थानिक नागरिक, राजकीय व सामाजिक क्षेत्रातील कार्यकर्त्यांनी आणि जखमींच्या नातेवाइकांनी तातडीने घटनास्थळी धाव घेतली. रुग्णवाहिका बोलावून जखमींना तातडीने प्रथमोपचारासाठी मंडणगड ग्रामीण रुग्णालयात दाखल करण्यात आले.
या मदतकार्यात राष्ट्रवादी काँग्रेस पक्षाचे मंडणगड युवक तालुकाध्यक्ष श्री. साईराज सावंत, ज्येष्ठ नेते भाईसाहेब, शहराध्यक्ष श्री. वैभव कोकाटे, वैभव भानसे, वसिम चिपोळे यांच्यासह स्थानिक ग्रामस्थांनी मोलाचे सहकार्य केले.
पुढील उपचारासाठी माणगाव व मुंबई येथे हलवले
मंडणगड ग्रामीण रुग्णालयात प्राथमिक उपचार केल्यानंतर जखमींची प्रकृती लक्षात घेता, पुढील उपचारासाठी त्यांना माणगाव आणि मुंबई येथील रुग्णालयात हलवण्यात आले आहे.
संकटाच्या वेळी स्थानिक नागरिकांनी दाखवलेली तत्परता आणि माणुसकीचे दर्शन या घटनेतून पुन्हा एकदा दिसून आले आहे.
