सोलापूर : प्रतिमा कराओके सिंगिंग ग्रुपच्या वतीने ‘Donate for Education’ या सामाजिक उपक्रमांतर्गत श्री गुरुदेव मतिमंद मुलांची शाळा येथे विद्यार्थ्यांना प्रोजेक्टर भेट देण्यात आला. गुरुवार, दि. १५ ऑक्टोबर रोजी दुपारी ३:३० वाजता हा उपक्रम पार पडला. यावेळी विद्यार्थ्यांना खाऊचे वाटपही करण्यात आले.
प्रतिमा कराओके सिंगिंग ग्रुपच्या वतीने आयोजित ‘सुरमई शाम – तारे जमीन पर’ या दहाव्या मेहफिलीच्या माध्यमातून शैक्षणिक मदतीचा संकल्प करण्यात आला होता. विद्यार्थ्यांना आधुनिक तंत्रज्ञानाच्या माध्यमातून शिक्षण अधिक सोपे आणि मनोरंजक व्हावे, या उद्देशाने प्रोजेक्टर भेट देण्यात आला.
या वेळी प्रतिमा कराओके सिंगिंग ग्रुपचे आयोजक विनायक बेनगी यांच्यासह चंदनशिवे सर, रवींद्र सर, महादेव सर, प्रफुल्ला सर, विश्रांती मॅडम, गडगे सर, इंद्रजीत सर, मीना मॅडम आणि केंगार सर उपस्थित होते.
शाळेचे संस्थेचे सचिव राहुल धोत्रे आणि ऑर्गनायझेशन रिप्रेझेंटेटिव्ह युवराज धोत्रे यांच्यासह शाळेतील सर्व शिक्षकवृंद उपस्थित होते.
प्रोजेक्टरवर शैक्षणिक व्हिडिओ पाहताना विद्यार्थ्यांनी विशेष आनंद व्यक्त केला. व्हिडिओच्या माध्यमातून शिकण्याचा अनुभव विद्यार्थ्यांना खूप आवडला. संगीताच्या माध्यमातून सामाजिक बांधिलकी जपत विद्यार्थ्यांच्या शैक्षणिक विकासासाठी मदत करण्याचा प्रतिमा कराओके सिंगिंग ग्रुपचा हा उपक्रम कौतुकास्पद ठरला.
“संगीतातून आनंद, सेवेतून समाधान आणि शिक्षणातून उज्ज्वल भविष्य!” या भावनेतून ग्रुपने हा सामाजिक उपक्रम राबविला.
