सारथी महाराष्ट्राचा न्यूज नेटवर्क
नवी मुंबई प्रतिनिधी :-अमोल अभंग
- स्थळ व प्रकरण: सानपाडा-सोनखार विभागातील पामबीच मार्गालगत असलेल्या सेक्टर १७ मधील ‘दि अफेअर्स’ (The Affairs) या निवासी इमारतीमध्ये ‘मे. हौसा रेस्टॉरंट’चा ऑर्केस्ट्रा बार आणि मद्य परवाना प्रस्तावित आहे.
- नागरिकांची मागणी: राज्य सरकारच्या २७ जुलै २०१६ च्या गृह विभागाच्या परिपत्रकानुसार नव्याने ऑर्केस्ट्रा बारला परवानगी देऊ नये, अशी जोरदार मागणी स्थानिक रहिवाशांकडून केली जात आहे.
- तक्रार व इशारा: स्थानिक नगरसेवक निशांत भगत आणि पामबीच-सोनखार ज्येष्ठ नागरिक सेवा समितीने कोकण विभागीय आयुक्तांकडे याविरोधात लेखी हरकत नोंदवली आहे. ही प्रस्तावित परवानगी रद्द न झाल्यास तीव्र जनांदोलन छेडण्याचा इशाराही देण्यात आला आहे.
रहिवाशांच्या मुख्य हरकती व समस्या: - रुग्णालयाचा सामायिक मार्ग: ज्या इमारतीत हा बार सुरू करण्याचा प्रस्ताव आहे, त्याच इमारतीत ‘ॲडव्हान्स आय हॉस्पिटल’ हे डोळ्यांचे मोठे रुग्णालय आहे. रुग्णालय आणि प्रस्तावित बारचा प्रवेशमार्ग एकच (सामायिक) असल्याने नागरिकांनी तीव्र आक्षेप घेतला आहे.
- शैक्षणिक व धार्मिक परिसर: परिसराच्या २०० मीटर परिघात जयपुरीया शाळा, साधू वासवानी शाळा यांसारख्या शैक्षणिक संस्था, तसेच विविध धार्मिक व सामाजिक प्रार्थनास्थळे आहेत.
- सुरक्षिततेचा प्रश्न: परिसरात महिला आणि ज्येष्ठ नागरिकांसाठी जॉगिंग ट्रॅक व विरंगुळा केंद्र आहे. अशा निवासी, शैक्षणिक व सांस्कृतिक वातावरणात बार सुरू झाल्यास महिला, विद्यार्थी, लहान मुले आणि ज्येष्ठ नागरिकांच्या सुरक्षिततेचा व आरोग्याचा गंभीर प्रश्न निर्माण होईल, अशी भीती व्यक्त केली जात आहे.
मुख्यमंत्र्यांना निवेदन:
मागील महिन्यात राज्याचे मुख्यमंत्री देवेंद्र फडणवीस एका कार्यक्रमासाठी या परिसरात आले असता, नगरसेवक निशांत भगत यांनी वनमंत्री गणेश नाईक यांच्या उपस्थितीत त्यांना या संदर्भात थेट निवेदन दिले होते.
