खासदार राजू शेट्टी यांच्या नेतृत्वाखाली शेतकऱ्यांचा लढा; आंदोलनस्थळी विटा, कुंडल व पलूस पोलिसांचा बंदोबस्त
सांगली : प्रतिनिधी
ऊस उत्पादक शेतकऱ्यांना उसाच्या पहिल्या उचलीपोटी प्रतिटन ५,५०० रुपये दर मिळावा, या मागणीसाठी बलवडी फाटा (कुंडल) येथे आंदोलन सुरू करण्यात आले आहे. स्वाभिमानी शेतकरी संघटनेचे नेते माजी खासदार राजू शेट्टी यांच्या नेतृत्वाखाली सुरू असलेल्या या आंदोलनात अॅड. दीपक लाड व पंडित कोळेकर सहभागी झाले आहेत. शेतकऱ्यांच्या घामाला योग्य दाम मिळावा, या मागणीसाठी आंदोलनकर्त्यांनी ठाम भूमिका घेतली आहे.
आंदोलनाच्या पार्श्वभूमीवर बलवडी फाटा येथे विटा, कुंडल आणि पलूस पोलिसांकडून बंदोबस्त ठेवण्यात आला होता. आंदोलनस्थळी शेतकऱ्यांची गर्दी झाली असून, उसाच्या पहिल्या उचलीचा दर जाहीर करण्याची मागणी जोर धरत आहे.
कारखाना प्रशासनासोबत बैठक घेण्याची मागणी
यावेळी अॅड. दीपक लाड म्हणाले, “ऊस आंदोलनादरम्यान मोठा पोलीस बंदोबस्त लावण्याऐवजी प्रशासनाने साखर कारखाना प्रशासनासोबत बैठक आयोजित करून उसाची पहिली उचल प्रतिटन ५,५०० रुपये तातडीने जाहीर करण्यासाठी प्रयत्न करावेत. प्रशासनाने शेतकऱ्यांना वेठीस धरू नये.”
दरम्यान, आंदोलन बेमुदत सुरू ठेवण्यात येणार असल्याचे आंदोलनकर्त्यांकडून सांगण्यात आले. उसाला योग्य दर मिळेपर्यंत शेतकऱ्यांचा संघर्ष सुरू राहणार असल्याची भूमिका यावेळी मांडण्यात आली.
शेतकरी मोठ्या संख्येने उपस्थित
या आंदोलनावेळी पत्रकार दिलीप पाटील, सचिन मगर, पंडित कोळेकर, किरण चव्हाण, मनोहर चव्हाण, मनोज जाधव, सचिन साळुंखे, विशाल कोंढाळकर, दास होनमाने, अमोल पवार, किरण पवार, विश्वास दुपटे, विजय दुपटे, बाळासो गुरव, योगेश पवार, आदित्य पवार, अनिकेत पवार, संदीप पवार, कपिल पवार, प्रतीक लोखंडे, राजेंद्र सावंत, तन्वेज पवार, तेजस पवार, सचिन पवार आणि अधिक पवार यांच्यासह अनेक शेतकरी उपस्थित होते.
ठिकाण : बलवडी फाटा, कुंडल
