🌟 महाविज्ञान प्रदर्शन 2026 मध्ये आजरा हायस्कूलचे घवघवीत यश 🌟

आजरा (प्रतिनिधी) – शिवतेज तरुण मंडळ शेळपवाडी आयोजित महाविज्ञान प्रदर्शन 2026 मध्ये आजरा हायस्कूल च्या विद्यार्थ्यांनी उल्लेखनीय यश संपादन करत शाळेचा लौकिक उंचावला.
या प्रदर्शनात इयत्ता 1 ली ते 7 वी गटात इयत्ता 7 वी मधील कु. आदित्य सुनील नाईक याच्या “लेग ऑपरेटिंग माऊस” या अभिनव उपक्रमाला तिसरा क्रमांक प्राप्त झाला.

तसेच इयत्ता 8 वी ते 12 वी गटात इयत्ता 9 वी मधील कु. धनश्री सुभाष लाड हिच्या “अकसिडेंट कंट्रोल डिव्हाईस” या उपक्रमालाही तिसरा क्रमांक मिळाला. दोन्ही विद्यार्थ्यांच्या कल्पकतेचे व वैज्ञानिक दृष्टिकोनाचे सर्वत्र कौतुक होत आहे.
या यशासाठी विद्यार्थ्यांना अनुक्रमे श्री. एस. जी. नाईक व सौ. वृषाली यादव यांचे मार्गदर्शन लाभले. तसेच शाळेचे मुख्याध्यापक श्री. अजित तोडकर, उपमुख्याध्यापक सौ. एच. एस. कामत व पर्यवेक्षक श्री. ए. आर. व्हासकोटी यांनी प्रोत्साहन दिले.
या यशाबद्दल प्रेरणा जनता शिक्षण संस्था चे अध्यक्ष मा. अशोक अण्णा चराटीसो यांनी विद्यार्थ्यांचे व मार्गदर्शक शिक्षकांचे अभिनंदन केले.
महाविज्ञान प्रदर्शनातील या यशामुळे आजरा हायस्कूलच्या विद्यार्थ्यांची वैज्ञानिक जिज्ञासा आणि नाविन्यपूर्ण विचारसरणी अधोरेखित झाली असून परिसरातून त्यांचे अभिनंदन करण्यात येत आहे. 🌹