पनवेल प्रतिनिधी | संदिप जाधव
| पनवेलः महाराष्ट्राचे आराध्य दैवत श्रीमंत श्री छत्रपती शिवाजी महाराज यांच्या जन्मोत्सव निमित्त श्री शिवजन्मोत्सव सोहळा २०२६ येत्या शुक्रवार, ६ मार्च २०२६ रोजी मोठ्या उत्साहात साजरा करण्यात येणार आहे. हा सोहळा फाल्गुन कृ. ३, शके १९४७ नुसार पार पडणार असून, शिवभक्तांनी उपस्थित राहण्याचे आवाहन आयोजकांनी केले आहे.
कार्यक्रमाची सुरुवात सकाळी ७.०० वाजता भव्य शिवज्योत दौड (किल्ले कर्नाळा ते शिवतीर्थ पळस्पे) महाराजांच्या पालखी सोहळ्याने होईल. सकाळी १०.०० वाजता महाराजांची आरती आयोजित करण्यात आली आहे. सायंकाळी ५.०० वाजता शिवशक्ती लेझीम पथक (वाशी, नवी मुंबई) यांचे सादरीकरण होणार असून, सायंकाळी ६.३० वाजता महाराजांची आरती केली जाईल. रात्री ९.०० वाजता ह.भ.प. शिवाजी महाराज झांबरे शिवचरित्रकार (श्री संत दत्तूजी महाराज वंशज), बरफगाव, शेगाव यांच्याकडून सादर केली जाणार आहे.
यावेळी ‘लकी ड्रॉ’ स्पर्धेचेही आयोजन करण्यात आले असून, सायं. ४.०० ते ८.३० या वेळेत नोंदणी होणार असून यामध्ये महिलांसाठी २ बक्षिसे, पुरुषांसाठी २ बक्षिसे तसेच लहान मुलांसाठी २ बक्षिसे ठेवण्यात आली असूप कीर्तनानंतर लकी ड्रॉ काढण्यात येणार असून उपस्थितांमधूनच विजेते घोषित केले जातील.
हा सोहळा शिवतीर्थ पळस्पे, ग्रामपंचायत पळस्पे जवळ, मु.पो. पळस्पे, ता. पनवेल, जि. रायगड येथे पार पडणार असून कार्यक्रमाचे आयोजन श्री शिव प्रतिष्ठान, पळस्पे – पनवेल यांनी केले असून शिवभक्तांनी मोठ्या संख्येने उपस्थित राहून कार्यक्रमाची शोभा वाढवावी, असे आवाहन आयोजकांतर्फे करण्यात आले आहे.
