गंगापूर प्रतिनिधी
गंगापूर तालुक्यातील तुर्काबाद येथील सामाजिक कार्यकर्ते अशोक अंबादास पाटेकर यांची जिल्हा मध्यवर्ती बँक निवडणुकीसाठी विविध कार्यकारी सेवा संस्था तुर्काबादतर्फे मतदान प्रतिनिधी म्हणून बिनविरोध निवड करण्यात आली आहे. दि. २७ मार्च रोजी झालेल्या संस्थेच्या बैठकीत ही निवड जाहीर करण्यात आली.
बैठकीस स्थानिक सभासद मोठ्या संख्येने उपस्थित होते.
या बैठकीचे अध्यक्षस्थान संस्थेचे चेअरमन अजिम एजाज पठाण यांनी भूषविले. यावेळी व्हाइस चेअरमन आप्पासाहेब माधवराव पानकर,संचालक एकबाल सेठ सय्यद,माऊली रहाटवाड, लतीफ शेख, कैलास जाधव, देविदास पाटेकर, कृष्णा पाटेकर, नाजेरा अन्वर शेख, संतोष मणियार,नितीन नांडे आदी मान्यवर उपस्थित होते.सर्वानुमते व बिनविरोध अशोक पाटेकर यांच्या नावावर शिक्कामोर्तब करण्यात आले.अशोक पाटेकर हे सामाजिक क्षेत्रात सक्रिय असून त्यांनी विविध उपक्रमांद्वारे गावाच्या विकासात मोलाचे योगदान दिले आहे. त्यांच्या निवडीमुळे तुर्काबाद परिसरात समाधान व्यक्त होत आहे. निवड जाहीर होताच राष्ट्रवादी काँग्रेस पार्टीचे अल्पसंख्यांक जिल्हाध्यक्ष अन्वर शेख तसेच ग्रामस्थांनी त्यांचे अभिनंदन करून पुढील कार्यासाठी शुभेच्छा दिल्या.
