इचलकरंजी : प्रतिनिधी
इचलकरंजी महानगरपालिकेत शिवशाही विकास आघाडी (राष्ट्रवादी पक्ष) यांच्या वतीने उदयसिंग पाटील यांची विरोधी पक्षनेते तसेच गटनेतेपदी नियुक्ती करण्यात आली आहे.
पाटील यांच्या नियुक्तीमुळे महानगरपालिकेतील राजकीय समीकरणांना नवे वळण मिळण्याची शक्यता व्यक्त केली जात आहे. त्यांनी यापूर्वीही विविध सामाजिक व राजकीय क्षेत्रात सक्रिय भूमिका बजावली असून त्यांच्या नेतृत्वावर पक्षाने विश्वास दर्शवला आहे.
या निवडीबद्दल त्यांचे सर्व स्तरांतून अभिनंदन होत असून, त्यांनी शहराच्या विकासासाठी प्रभावीपणे काम करावे, अशी अपेक्षा व्यक्त केली जात आहे.
