गंगाखेड : तालुक्यातील खळी फाटा येथील कैलासवासी राजीव गांधी विद्यालयात दिनांक 12 एप्रिल 2026 रोजी भव्य महाआरोग्य शिबिराचे आयोजन करण्यात आले. दीपस्तंभ प्रतिष्ठान, कदम हॉस्पिटल व प्रस्तुती गृह गंगाखेड यांच्या संयुक्त विद्यमाने हा उपक्रम राबविण्यात आला.
मेघना बोर्डीकर (राज्यमंत्री, महाराष्ट्र राज्य तथा पालकमंत्री परभणी) यांच्या वाढदिवसानिमित्त आयोजित या शिबिराचे उद्घाटन त्यांच्या हस्ते करण्यात आले.
या शिबिरात धारासुर, खळी, गवंडगाव, सायला, मुळी आदी परिसरातील नागरिकांनी मोठ्या प्रमाणात सहभाग नोंदवला. नागरिकांची मोफत आरोग्य तपासणी करण्यात आली तसेच आवश्यक औषधांचे वाटप करण्यात आले. गंभीर आजार आढळल्यास संबंधित रुग्णांच्या मोठ्या शस्त्रक्रिया मोफत करून देण्याचे आश्वासनही यावेळी देण्यात आले.
या उपक्रमाचा युवकांसह सर्वसामान्य नागरिकांना मोठ्या प्रमाणात लाभ झाला. शिबिरात विविध तज्ज्ञ डॉक्टरांची उपस्थिती लाभली होती.
कार्यक्रमास आमदार डॉ. रत्नाकर जिगुटे, सौ. शोभा कदम, डॉ. सुभाष कदम, डॉ. संजय पांचाळ, डॉ. हेमंत मुंडे, डॉ. मनोज कुमार दीक्षित, डॉ. बालाजी हिप्पर, डॉ. रामेश्वर नाईक, डॉ. दीपक कातकडे, डॉ. लटपटे, डॉ. प्रदीप सोळंके, डॉ. माळवे, डॉ. रसाळ, डॉ. सायली होळंबे, डॉ. बियाणी, डॉ. चीलगर, डॉ. अन्सारी, डॉ. गारोळे आदी मान्यवर उपस्थित होते.
तालुका प्रतिनिधी – गंगाखेड
