कुंडलवाडी (प्रतिनिधी)
कुंडलवाडी शहरातील शेख कासिम पिंजारी या धाडसी युवकाने प्रसंगावधान राखत एका मुलाचे प्राण वाचवून समाजासमोर आदर्श निर्माण केला आहे. काही दिवसांपूर्वी चेंडू विद्युत तारांवर जवळ छतावर पडल्यामुळे एका मुलाला विजेचा शॉक बसून त्याच्या अंगावर आग लागली होती. ही घटना पाहताच कासिम पिंजारी यांनी क्षणाचाही विलंब न करता थेट टिनशेड वर चढून त्या मुलाच्या अंगावरील आग विझवण्याचा प्रयत्न केला.
स्वतःचा जीव धोक्यात घालून त्यांनी मुलाची आग विझवली आणि तात्काळ त्याला रुग्णालयात पाठवण्यात आले. त्यांच्या या धाडसामुळे त्या मुलाचे प्राण वाचले.
या शौर्यपूर्ण कृतीबद्दल कुंडलवाडी शहरात शेख कासिम पिंजारी यांचा सत्कार करण्यात आला. नगराध्यक्षा प्रतिनिधी गजानन कोटलावार यांनी या सत्काराचे आयोजन केले होते. हा सत्कार माननीय माजी जिल्हा परिषद सदस्य लक्ष्मणरावजी ठक्कुरवार यांच्या हस्ते पार पडला.
यावेळी उपनगराध्यक्ष प्रतिनिधी शैलेश ऱ्याकावार,साईनाथ सेठ उत्तरवार,माजी नगराध्यक्ष भूमन्ना काका ठक्कुरवार,उमाकांत गोपछडे,मंडळ अध्यक्ष नरेश ठक्कुरवार तसेच सर्व नगरसेवक,नगरसेविका व प्रतिनिधी उपस्थित होते. उपस्थित मान्यवरांनी कासिम पिंजारी यांच्या धाडसाचे कौतुक करण्यात आले.
