आजरा: (प्रतिनिधी)
विधान परिषदेचे गटनेते आणि कोल्हापूर जिल्हा काँग्रेस कमिटीचे अध्यक्ष आदरणीय आमदार सतेज (बंटी) डी. पाटील यांच्या वाढदिवसानिमित्त आजरा शहरात विविध सामाजिक उपक्रम राबवून त्यांचा वाढदिवस उत्साहात साजरा करण्यात आला. या निमित्ताने, येथील मृत्युंजय कार शिवाजीराव सावंत आजरा ग्रामीण रुग्णालयातील रुग्णांना फळांचे वाटप करून सामाजिक बांधिलकी जपण्यात आली.
आमदार सतेज पाटील यांचा वाढदिवस हा दरवर्षीच कार्यकर्त्यांकडून सेवाकार्याने साजरा केला जातो. याच परंपरेनुसार,
आजरा येथील ग्रामीण रुग्णालयातील सर्व पेशंटना आरोग्यदायी फळांचे वाटप करण्यात आले. यावेळी रुग्णांच्या प्रकृतीची विचारपूस करत त्यांना शुभेच्छा देण्यात आल्या.
या प्रसंगी अशोक तरडेकर, संजयभाऊ सावंत, रविंद्र भाटले, विक्रम देसाई, सुमीत सावंत, बाळासाहेब पाटील, निसार लाडजी, रवींद्र तळेवाडीकर, विलास जोशीलकर, आरीफ खेडेकर, किरण पाटील, डॉ. शाहिद लाडजी आणि ग्रामीण रुग्णालयातील सर्व अधिकारी व कर्मचारी उपस्थित होते.
आमदार बंटी पाटील यांच्या नेतृत्वाखाली जिल्ह्याच्या विकासाचा रथ असाच पुढे जावा आणि त्यांना उदंड आयुष्य लाभावे, अशा भावना यावेळी उपस्थित कार्यकर्त्यांनी व्यक्त केल्या. या उपक्रमाचे रुग्णांच्या नातेवाईकांमधून आणि नागरिकांमधून कौतुक होत आहे.
