गडचिरोली / नितेश गट्टीवार, सारथी महाराष्ट्राचा न्यूज
समाजवादी पक्षाचे गडचिरोली जिल्हाध्यक्ष इलियास खान यांनी समाजवादी पक्षाच्या जिल्हाध्यक्ष पदाचा राजीनामा देत आपल्या सहकाऱ्यांसोबत काँग्रेस पक्षात प्रवेश केला. हा पक्षप्रवेश सोहळा २६ मे रोजी आमदार विजय वडेट्टीवार आणि आमदार रामदास मसराम यांच्या प्रमुख उपस्थितीत पार पडला.
इलियास खान यांनी काँग्रेस पक्षाची विचारधारा तसेच पक्षाच्या नेतृत्वावर विश्वास व्यक्त करत काँग्रेसमध्ये प्रवेश घेतल्याचे सांगितले. त्यांच्या प्रवेशामुळे गडचिरोली जिल्ह्यात काँग्रेस पक्षाला बळकटी मिळणार असल्याची चर्चा राजकीय वर्तुळात सुरू आहे.
यावेळी समाजवादी पक्षाचे हाजी फैझान पटेल, खलील खान, सादिक शेख, डोमाजी दिवटे, जब्बार शेख, बबलू पठाण, कैलास बगमारे, हाजरा शेख, रियाजूल शेख, मनोज राऊत, मंगेश धुर्वे यांच्यासह अनेक कार्यकर्त्यांनी काँग्रेस पक्षात प्रवेश केला.
इलियास खान आणि त्यांच्या सहकाऱ्यांच्या काँग्रेस पक्षातील प्रवेशामुळे कार्यकर्त्यांमध्ये आनंदाचे वातावरण निर्माण झाले असून आगामी काळात पक्षसंघटना अधिक मजबूत करण्यासाठी कार्य करण्याचा निर्धार यावेळी व्यक्त करण्यात आला.
या प्रसंगी धनपाल मिसार, राजू रासेकर, मनोज ढोरे, सागर वाढई, गाझी शेख, विकास प्रधान, नंदू चावला तसेच काँग्रेस पक्षाचे अनेक पदाधिकारी आणि कार्यकर्ते उपस्थित होते.
