जामखेड तालुक्यातील दिंडीचे (बावी ) नगरीत जल्लोषात स्वागत…
माळेगाव ते चोंडी दिंडीत हजारो हून अधिक भाविकांचा सहभाग; मान्यवरांचा सत्कार
जामखेड तालुका प्रतिनिधी अमृत कारंडे
: पुण्यश्लोक अहिल्यादेवी होळकर यांच्या ३०१ व्या जयंतीनिमित्त मागील बारा वर्षांपासून सुरू असलेली श्रीक्षेत्र माळेगाव यात्रा ते श्रीक्षेत्र चोंडी ही पारंपरिक दिंडी आज जामखेड तालुक्यातील बावी नगरी येथे मोठ्या उत्साहात दाखल झाली. भजन, कीर्तन आणि हरिनामाच्या गजरात संपूर्ण बावी नगरी भक्तिमय वातावरणाने दुमदुमून गेली.
कराड नगर येथील विठ्ठल-रुक्मिणी मंदिरामध्ये दिंडीचे संस्थापक तथा नांदेड जिल्हा परिषदेचे माजी अध्यक्ष संभाजीराव धुळगुंडे मामा, शिवाजी महाविद्यालय कंधारचे प्राचार्य डॉ. पगडे सर, डॉ. मुरहारी कुंभारगावे सर, पंडितराव तुपेकर सर, डॉ. मोहन थगनर सर यांचा सत्कार करण्यात आला. यावेळी महिला-पुरुष व भाविकांसह दिंडीत सहभागी झालेला हून अधिक भाविकांचा सन्मान करण्यात आला.
यावेळी बावी परिसरातील सर्व समाजबांधव ग्रामस्थ मोठ्या संख्येने उपस्थित होते.
दिंडीचे आगमन होताच संपूर्ण परिसर भक्तिमय वातावरणाने भारावून गेला. टाळ-मृदंगाच्या गजरात आणि हरिनामाच्या जयघोषात भाविकांनी पुण्यश्लोक अहिल्यादेवी होळकर यांच्या कार्याचा जागर केला. सामाजिक ऐक्य, अध्यात्म आणि संस्कृतीचा संगम असलेल्या या दिंडीने उपस्थितांच्या मनावर वेगळी छाप पाडली. या कार्यक्रमासाठी प्रत्यक्ष व अप्रत्यक्ष सहकार्य करत समस्त समाज बांधव ग्रामस्थांनी उपस्थिती दाखवली..
