बांबवडे | प्रतिनिधी
सहकार क्षेत्रातील अग्रगण्य महागणपती मल्टिस्टेट को-ऑपरेटिव्ह क्रेडिट सोसायटी लिमिटेडच्या वतीने आयोजित करण्यात आलेल्या पहिल्या ‘श्री राम अयोध्या दर्शन महायात्रे’चा बुधवार (दि. ८ जुलै) रोजी भक्तिमय वातावरणात उत्साहात शुभारंभ झाला. संस्थेच्या इतिहासातील हा एक महत्त्वपूर्ण उपक्रम मानला जात असून, भाविकांनी मोठ्या उत्साहाने यात्रेला प्रतिसाद दिला.
संस्थेचे संस्थापक व अध्यक्ष विकासजी बेंगडे पाटील यांच्या संकल्पनेतून आणि मार्गदर्शनाखाली या विशेष यात्रेचे आयोजन करण्यात आले आहे. सर्वसामान्य भाविक व सभासदांना प्रभू श्रीरामांच्या पवित्र जन्मभूमी अयोध्येचे दर्शन घेण्याची संधी उपलब्ध करून देण्याच्या उद्देशाने हा उपक्रम राबविण्यात आला आहे.
विशेष म्हणजे, संस्थेच्या विविध ठेव योजनांमध्ये गुंतवणूक करणाऱ्या सभासदांना मोफत अयोध्या दर्शनाची संधी उपलब्ध करून देण्यात आली आहे. या उपक्रमाचे सभासदांकडून स्वागत करण्यात येत आहे.
यात्रेच्या शुभारंभप्रसंगी संस्थेचे मुख्य कार्यकारी अधिकारी (सीईओ) समाधान सन्नके यांनी उपस्थित भाविकांना यात्रेच्या नियोजनाबाबत मार्गदर्शन केले. प्रवासादरम्यान भाविकांच्या सुरक्षिततेसह सर्व आवश्यक सुविधांची काळजी घेतली जाईल, अशी ग्वाही त्यांनी दिली. त्यानंतर त्यांच्या हस्ते हिरवा झेंडा दाखवून महायात्रेला रवाना करण्यात आले.
**”जय श्रीराम”**च्या घोषणांनी परिसर दुमदुमून गेला होता. भक्तीमय वातावरणात सुरू झालेली ही महायात्रा सर्व भाविकांसाठी सुरक्षित, आनंददायी आणि आध्यात्मिक उन्नती घडविणारी ठरो, अशी प्रार्थना यावेळी करण्यात आली.
महागणपती मल्टिस्टेटच्या या अभिनव धार्मिक उपक्रमाचे सभासद, भाविक आणि नागरिकांकडून कौतुक होत असून, भविष्यातही अशा सामाजिक व धार्मिक उपक्रमांचे आयोजन करण्याची अपेक्षा व्यक्त केली जात आहे.
