कवी मुक्तेश्वर साहित्य प्रतिष्ठानच्या वर्धापन दिनानिमित्त जेष्ठ साहित्यिक रविप्रकाश कुलकर्णी यांच्या व्याख्यानाचे आयोजन…

प्रतिनिधी -दरिकांत कोळेकर.

कुरुंदवाड : -शिरोळ तालुक्यातील (तेरवाड) कुरुंदवाड येथील कवी मुक्तेश्वर साहित्य प्रतिष्ठानच्या 26 व्या वर्धापन दिना निमित्त डोंबिवली ( मुंबई ) येथील सुप्रसिद्ध साहित्यिक रविप्रकाश कुलकर्णी यांचे “ साहित्यविश्वातील भ्रमंती” या विषयावर व्याख्यान आयोजित करण्यात आले आहे अशी माहिती या प्रतिष्ठानच्या अध्यक्ष सौ.अंजलीताई दिलीप कुलकर्णी यांनी दिली.
याप्रसंगी बोलताना त्या पुढे म्हणाल्या की येथील सीताबाई पटवर्धन हायस्कूलच्या सभागृहात बुधवार, दि. 2 सप्टेंबर रोजी दु.ठीक 4.00 वा. हा कार्यक्रम होणार आहे.

कवी मुक्तेश्वर साहित्य प्रतिष्ठानच्या वतीने वेळोवेळी आयोजित करण्यात आलेल्या वर्धापन दिना निमित्त समारंभात ज्येष्ठ साहित्यिक डॉ. सदानंद मोरे, सुधीर मोघे, प्रा.द. मा. मिरासदार, मंगेश पाडगावकर, आनंद यादव, प्रवीण दवणे यांच्यासह डॉ. उत्तम कांबळे डॉ. जयंत नारळीकर, जगदीश खेबुडकर, डॉ. सुनीलकुमार लवटे , डॉ. आनंद नाडकर्णी, प्राचार्य मुकुंदराव दातार, राष्ट्रीय कीर्तनकार डॉ. चारुदत्त बुवा आफळे ,डॉ. तारा भवाळकर तसेच प्रसिद्ध मानसोपचार तज्ञ डॉ. नंदू मुलमुले आदींची प्रमुख पाहुणे या नात्याने उपस्थिती होती.
या प्रतिष्ठानच्या वतीने प्रतिवर्षी वाचन सप्ताह, ग्रंथ दिंडी यांच्यासह शालेय विद्यार्थ्यांच्या साठी उत्कृष्ट वाचक स्पर्धेचे आयोजन करण्यात येते.
या समारंभास कुरुंदवाड व परिसरातील साहित्यप्रेमींनी अगत्यपूर्वक उपस्थित राहून रविप्रकाश कुलकर्णी यांच्या व्याख्यानाचा लाभ घ्यावा असे आवाहन प्रतिष्ठानच्या वतीने करण्यात आले आहे.
याप्रसंगी प्रतिष्ठानच्या सचिव श्रीमती प्रभाताई कुलकर्णी, विश्वस्त डॉ. दिलीप कुलकर्णी, सीमा जमदग्नी तसेच सुनील मुळे आदि मान्यवर उपस्थित होते.