निमगाव वाघा, ता. जि. अहिल्यानगर | प्रतिनिधी
शिक्षक दिनाचे औचित्य साधून स्व. पै. किसनराव डोंगरे बहुउद्देशीय संस्था, श्री नवनाथ युवा मंडळ, धर्मवीर ग्रामीण सार्वजनिक वाचनालय व पै. नाना डोंगरे व्यायामशाळा यांच्या संयुक्त विद्यमाने राज्यस्तरीय ८ वे ग्रामीण मराठी साहित्य संमेलन २०२६ तसेच राज्यस्तरीय पुरस्कार वितरण सोहळ्याचे आयोजन निमगाव वाघा येथे करण्यात आले.
या कार्यक्रमाचे उद्घाटन मा. महेश पाटील यांच्या हस्ते झाले. कार्यक्रमाच्या अध्यक्षस्थानी मा. माधवराव लामखेडे होते. यावेळी मार्गदर्शक म्हणून लोकनेते खासदार निलेश लंके, प्रमुख अतिथी मा. रतीलाल चौधर, स्वागताध्यक्ष मा. हेमलता प्रदीप गिते, तसेच संमेलनाचे अध्यक्ष कवी रूपचंद शिदोरे यांच्यासह साहित्यिक, सामाजिक व शैक्षणिक क्षेत्रातील मान्यवर उपस्थित होते.
संमेलनाच्या निमित्ताने विविध क्षेत्रांत उल्लेखनीय कार्य करणाऱ्या मान्यवरांचा राज्यस्तरीय पुरस्कार देऊन गौरव करण्यात आला. यामध्ये श्री. सुरेश देवनाथ चव्हाण यांच्यासह विविध साहित्यिक, सामाजिक व शैक्षणिक क्षेत्रातील मान्यवरांचा समावेश होता. तसेच कवी, साहित्यिक व सहभागी मान्यवरांच्या उपस्थितीत साहित्य संमेलनाचे विविध कार्यक्रम पार पडले.
या कार्यक्रमासाठी पै. नाना किसन डोंगरे, सौ. मंदाताई नाना डोंगरे, कु. प्रतिभा नाना डोंगरे व पै. संदीप नाना डोंगरे यांच्यासह आयोजकांनी विशेष परिश्रम घेतले. निमगाव वाघा परिसरातील साहित्यप्रेमी, सामाजिक कार्यकर्ते, शिक्षक व नागरिकांनी कार्यक्रमास उत्स्फूर्त प्रतिसाद दिला.
— पत्रकार अशोक चव्हाण
सारथी महाराष्ट्राचा
पुणे जिल्हा प्रतिनिधी
