चिखली परिसरात डीजेला ‘पूर्णपणे नो’!
चिखली पोलीस स्टेशनच्या हद्दीतील संपूर्ण चिखली परिसरात गणेशोत्सव, धार्मिक कार्यक्रम तसेच इतर सार्वजनिक कार्यक्रमांमध्ये मोठ्या आवाजात डीजे, साऊंड सिस्टीम व ध्वनिप्रदूषण करणाऱ्या उपकरणांचा वापर टाळण्याचे आवाहन चिखली पोलीस स्टेशनचे वरिष्ठ पोलीस निरीक्षक रणजीत जाधव यांनी केले आहे.
सार्वजनिक शांतता, नागरिकांची सुरक्षितता आणि कायदा-सुव्यवस्था अबाधित ठेवण्यासाठी डीजेच्या मोठ्या आवाजाला परवानगी दिली जाणार नाही, असा स्पष्ट संदेश पोलीस प्रशासनाकडून देण्यात आला आहे.
चिखली, मोरेवस्ती, कुदळवाडी, तळवडे परिसरासह चिखली पोलीस स्टेशनच्या संपूर्ण हद्दीत नागरिकांनी व मंडळांनी पोलिसांच्या सूचनांचे पालन करावे, तसेच ध्वनिक्षेपक व साऊंड सिस्टीमचा वापर करताना लागू असलेल्या नियमांचे पालन करावे, असे आवाहन करण्यात आले आहे.
“उत्सव साजरा करा, मात्र इतर नागरिकांना त्रास होणार नाही याची काळजी घ्या. कायदा-सुव्यवस्था राखण्यासाठी सर्वांनी पोलिसांना सहकार्य करावे,” असा संदेश चिखली पोलिसांकडून देण्यात आला आहे.
चिखली पोलीस स्टेशन | कायदा-सुव्यवस्था | नागरिकांची सुरक्षितता प्रथम
