प्रतिनिधी-दरिकांत कोळेकर.
कुरुंदवाड :-शिरोळ तालुक्यातील नांदणी मठाची माधुरी हत्तीनी तब्बल १३ महिन्यांच्या कायदेशीर लढा आणि प्रतीक्षेनंतर कोल्हापूर जिल्ह्यातील शिरोळ तालुक्यातील नांदणी मठातील ‘महादेवी’ उर्फ माधुरी हत्तीणीची ११-१२ सप्टेंबर २०२६ रोजी लोकलढ्याचे यश घरवापसी झाली आहे. माधुरी हत्ती प्रकरणाची पार्श्वभूमी स्थलांतर: जुलै २०२५ मध्ये न्यायालयाच्या आदेशानुसार व पुरेशा सुविधांच्या अभावामुळे माधुरी हत्तीणीला गुजरातमधील जामनगर येथील वनतारा वन्यजीव पुनर्वसन केंद्रात हलवण्यात आले होते.स्थानिक लढा: या स्थलांतराविरोधात कोल्हापुरात तीव्र आंदोलने, पदयात्रा आणि कायदेशीर पाठपुरावा करण्यात आला.घरवापसीचा निर्णय:
उच्चाधिकार समितीने (HPC) ९ सप्टेंबर २०२६ रोजी काही अटी व शर्तींवर माधुरीला नांदणी मठात परत पाठवण्यास मंजुरी दिली. गेल्या 13 महिन्यांपासून गुजरात इथल्या वनतारा या ठिकाणी ठेवण्यात आली होती. नागरिकांच्या भावनांचा विचार करता जैन बांधवानी मोठया प्रमाणात जन रेटा लावत न्यायालयात माधुरी हत्ती परत नांदणी मठात यावी याकरिता दावा दाखल केला होता. त्यानंतर न्यायालयाने काही अटी घालून माधुरी हत्ती देण्यास परवानगी दिली होती. त्यानुसार न्यायालयीन प्रक्रिया आणि हाय पॉवर कमिटीने दिलेल्या आदेशानंतर माधुरी हत्तीनीला स्वगृही आणण्यात आले.
न्यायालयीन प्रक्रिया आणि हाय पॉवर कमिटीने दिलेल्या आदेशानंतर माधुरी हत्तीनीला तिच्या स्वगृही आणण्यात आले.
यावेळी कोल्हापूर जिल्ह्यातील नागरिकांनी माधुरी हत्तीनीला पाहण्यासाठी प्रचंड गर्दी केली होती. माधुरी हत्तीनीचे मोठया उत्साहात गुलाल, ढोल, ताशांच्या गजरात स्वागत करत मिरवणूक काढण्यात आली त्यावेळी उपस्थितीतांचे डोळ्यात आनंदाचे अश्रू अनावर झाले होते. तसेच हत्तीनीच्या डोळ्यात देखील अश्रू आले होते.
यावेळी माधुरी हत्तीणीच्या स्वागताला खासदार धैर्यशील माने. मा. खास. राजू शेट्टी. मा. आमदार उल्हासदादा पाटील. यांच्यासह असंख्य जैन समाजबाधंव नागरिक उपस्थित होते.
