लोहा दि.१० सप्टेंबर -:हणमंत पांचाळ
शिंगे रंगविली बाशिंगे बांधली चढविल्या झुली ऐनेदार असा बैल पोळा ग्रामीण व शहरी भागात सुद्धा मोठ्या उत्साहात साजरा केला जातो .बैलाचीघटती संख्या व वाढते टॅक्टर अशी आजच्या शेतीची अवस्था झाली आहे. लोहा ठाण्याच्या अंतर्गत ४ अधिकारी २३ पोलीस कर्मचारी २० होमगार्ड असा बंदोबस्त पोळा सणांच्या निमित्ताने खेड्यात लावण्यात आला आहे.जुन्या शहरातील माजी उपनगराध्यक्ष केशवराव मुकदम -राजेश मुकदम हे मानकरी असून त्याचे बैल फिरल्या नंतर गुरुवारी दुपारी मारोती मंदिराच्या पाराला गावातील शेतकऱ्याची बैल फिरले
लोहा पोलीस ठाण्याच्या हद्दीत पोलीस निरीक्षक अरविंद घोडके यांनी शांतता समितीच्या बैठका घेऊन पोळा सण उत्साहात व शांततेत साजरा करण्याचे आहवान केले. मागील पाच वर्षात या ठाण्याच्या हद्दीत बैल फिरविण्या वरून कोणताही अनुचित प्रकार घडला नाही असे पोलिसांच्या विशेष शाखेचे जमादार सदाशिव जामकर यांनी सांगितले.
लोहा ठाण्याच्या हद्दीतील लोहा शहर, बोरगाव पांगरी, भाद्रा, आडगाव, पोलेवाडी, सुनेगाव, कारेगाव, पारडी, धानोरा,चितळी हळदव , खांबेगाव, ढगे पिंपळगाव, पानभोसी, सगूंचीवाडी, पोखरभोसी, पांगरा,ताटे भोसी, असा गावात पोळ्याचा बंदोबस्त ठेवण्यात आला आहे ४ पोलीस अधिकारी, २३ पोलीस कर्मचारी , सोबतीला २० होमगार्ड तैनात करण्यात आले आहेत.
जुन्या लोह्यात पोळ्याचे मुकदम मानकरी
जुन्या शहरात म्हणजे खालच्या गावात मुकदम हे पोळ्याचे मानकरी आहेत तर वरच्या गावात म्हणजे विठ्ठलवाडीत मक्तेदार हे मानकरी आहे. जुन्या शहरात माजी उपनगराध्यक्ष केशवराव मुकदम, राजेश मुकदम यांचे पोळ्याच्या दिवशी दुपारी साडेतीन नंतर बैल फिरल्या नंतर गावातील शेतकऱ्याची बैल फिरली. माजी आ. रोहिदास चव्हाण, नगराध्यक्ष शरद पवार , माजी नगराध्यक्ष कल्याणराव सूर्यवंशी, माजी नगराध्यक्ष गजानन सूर्यवंशी, केशवराव मुकदम, वसंतराव पवार हरिभाऊ चव्हाण, भास्कर पवार, पत्रकार ज्ञानोबा पाटील व गावातील प्रमुखांनी पोळ्या निमित्ताने आपआपल्या घरी बैलाची विधिवत पूजा केली .वरच्या गावात संजय मक्तेदार हे मानकरी त्याचे मारुती मंदिर देउलगल्ली येथील हनुमान मंदिराला बैल फिरल्या नंतर विलास पाटिल चुडावकर याचा सह अनेकानी पोळा उत्साहात घरी बैलाचे लग्न लावून पोळा साजरा केला.
