केंद्रस्तरीय बालवैज्ञानिक विज्ञान प्रदर्शन २०२६–२७ मध्ये प्रशालेची उल्लेखनीय कामगिरी; संस्थेच्या पदाधिकाऱ्यांकडून अभिनंदन
खेड (प्रतिनिधी) : केंद्रस्तरीय बालवैज्ञानिक विज्ञान प्रदर्शन २०२६–२७ मध्ये न्यू इंग्लिश स्कूल, होडखाड या प्रशालेने द्वितीय क्रमांक पटकावून उल्लेखनीय यश संपादन केले. या यशामुळे प्रशालेच्या शैक्षणिक वाटचालीत आणखी एक मानाचा तुरा रोवला गेला आहे.
विज्ञान प्रदर्शनाच्या माध्यमातून विद्यार्थ्यांमध्ये वैज्ञानिक दृष्टिकोन, कल्पकता आणि संशोधनवृत्ती विकसित होण्यास प्रोत्साहन मिळते. या प्रदर्शनात प्रशालेने मिळवलेल्या यशाबद्दल सहभागी विद्यार्थी आणि मार्गदर्शक शिक्षकांचे कौतुक होत आहे.
या यशाबद्दल कुणबी शिक्षण प्रसारक संस्था, खेड–मुंबईचे अध्यक्ष ॲड. तु. ल. डफळे आणि सचिव सुधीर वैराग यांनी विद्यार्थी व मार्गदर्शक शिक्षकांचे अभिनंदन करून पुढील शैक्षणिक वाटचालीस शुभेच्छा दिल्या. तसेच प्रशालेतील सर्व शिक्षकवृंदांचेही या यशाबद्दल अभिनंदन करण्यात आले.
विद्यार्थ्यांनी भविष्यातही विज्ञान आणि तंत्रज्ञानाच्या क्षेत्रात उल्लेखनीय कामगिरी करून प्रशालेचा नावलौकिक वाढवावा, अशी अपेक्षा यावेळी व्यक्त करण्यात आली.
