कोंबड्यांचे पंख व टाकाऊ पदार्थ उघड्यावर; ग्रामपंचायतींच्या दुर्लक्षाचा नागरिकांचा आरोप
किनवट | प्रतिनिधी :
राष्ट्रीय महामार्ग क्र. १६१ अ वरील गोकुंदा आणि कोठारी गावांदरम्यान महामार्गालगत मोठ्या प्रमाणात कचरा टाकला जात असल्याचा प्रकार समोर आला आहे. कोंबड्यांचे पंख व इतर टाकाऊ पदार्थ उघड्यावर टाकल्यामुळे परिसरात दुर्गंधी पसरली असून, नागरिक आणि वाहनचालकांना त्रास सहन करावा लागत आहे.
या अस्वच्छतेमुळे रोगराई पसरण्याची भीती व्यक्त होत असून, गोकुंदा व कोठारी ग्रामपंचायतींचे याकडे दुर्लक्ष होत असल्याचा आरोप नागरिकांनी केला आहे. संबंधित प्रशासनाने तातडीने कचऱ्याची योग्य विल्हेवाट लावावी, परिसर स्वच्छ करावा आणि उघड्यावर कचरा टाकणाऱ्यांवर कारवाई करावी, अशी मागणी नागरिकांकडून होत आहे.
