सामाजिक व राजकीय कार्याला उजाळा; शहाद्यात डॉ. बाबासाहेब आंबेडकर यांच्या पुतळा स्थळी अभिवादन सोहळा संपन्न
शहादा, दि. १२ नोव्हेंबर : रिपब्लिकन पार्टी ऑफ इंडिया (आठवले गट)चे माजी जिल्हाध्यक्ष तथा शहादा नगरपालिकेचे माजी उपनगराध्यक्ष स्वर्गीय अरविंद अण्णा कुवर यांच्या जयंतीनिमित्त अभिवादनाचा कार्यक्रम शहादा येथील प्रांताधिकारी कार्यालयासमोरील डॉ. बाबासाहेब आंबेडकर यांच्या पूर्णाकृती पुतळा स्थळी मान्यवरांच्या उपस्थितीत संपन्न झाला.
कार्यक्रमाची सुरुवात स्वर्गीय अरविंद अण्णा कुवर यांच्या प्रतिमेस पुष्पहार अर्पण करून व दीपप्रज्वलनाने करण्यात आली. त्यानंतर बुद्ध वंदना घेण्यात आली. संजय निकुंबे आणि दिलीप पानपाटील यांनी बुद्ध वंदना सादर केली.
यावेळी शहादा नगरपालिकेचे ज्येष्ठ नगरसेवक ज्ञानेश्वर चौधरी, मंदाणे येथील माजी उपसरपंच अनिल भामरे, माजी प्राचार्य दत्ताजी शिंदे, शिवसेनेचे तालुकाप्रमुख मनलेश जयस्वाल, रिपब्लिकन पार्टी ऑफ इंडियाचे जिल्हाध्यक्ष अनिल कुवर, यादव कुवर, रघुनाथ बळसाने आणि पितांबर पेंढारकर आदी मान्यवरांनी मनोगत व्यक्त केले. त्यांनी स्वर्गीय अरविंद अण्णा कुवर यांच्या सामाजिक व राजकीय कार्याचा गौरवपूर्ण उल्लेख करून त्यांना आदरांजली अर्पण केली.
विविध क्षेत्रांतील मान्यवरांची उपस्थिती
या अभिवादन सोहळ्यास प्रा. डॉ. देवेंद्र निकम, प्रा. डॉ. गौतम कुवर, प्रमोद बैसाणे, प्रा. नेत्रदीपक कुवर, विजय चौधरी, हिरालाल रोकडे, रुपेश जाधव, जगदीश जयस्वाल, हर्षल सोनवणे, बापू घोडराज, राजेश्वर सामुद्रे, नरेंद्र कुवर, दिलीप जगदेव, रवींद्र आगळे, दिगंबर कुवर, सुनील शिरसाट, गोटू महिरे, संगीत कुवर, जितेंद्र कुवर, राहुल बैसाणे, रवींद्र कुवर, संजय खंदारे आणि जितेंद्र मोरे यांच्यासह शहादा व परिसरातील विविध राजकीय पक्षांचे पदाधिकारी, सामाजिक व शैक्षणिक संघटनांचे प्रतिनिधी, पत्रकारिता क्षेत्रातील मान्यवर आणि नागरिक मोठ्या संख्येने उपस्थित होते.
कार्यक्रमाचे सूत्रसंचालन सुनील पाटोळे यांनी केले, तर सुरेंद्र कुवर यांनी उपस्थितांचे आभार मानले. स्वर्गीय अरविंद अण्णा कुवर यांच्या सामाजिक व राजकीय योगदानाचे स्मरण करीत अभिवादन सोहळा उत्साहपूर्ण वातावरणात संपन्न झाला.
