कारेगाव येथे २१ बांगलादेशी घुसखोरांना केली अटक १५ पुरुष ४ महिला व २ तृतीयपंथी यांचा समावेश…

दहशतवादी पथकाचे सर्वत्र कौतुकरांजणगाव गणपती प्रतिनिधी रांजणगाव गणपती :कारेगाव ता शिरूर येथे बनावट आधारकार्ड, पॅन कार्ड मतदान कार्ड काढून राहणाऱ्या 21 बांगलदेशी घुसखोरांना पुणे ग्रामीण दहशतवादी पथक व स्थानिक गुन्हे अन्वेषण पथक व रांजणगाव पोलीस यांच्या संयुक्त पथकाने अटक केली आहे. त्यांना शिरूर प्रथम वर्ग न्यायालयात हजर केले असता २४ ऑक्टोबर पर्यंत पोलीस कस्टडी देण्यात आली आहे.

यामध्ये १५ पुरुष, ४ महीला, २ तृतीयपंथी यांचा समावेश आहे. यामुळे या परिसरात खळबळ उडाली असून काही वर्षापूर्वी याच परिसरात नामचीन नक्षलवाद्यांना अटक करण्यात आली होती.

त्यानंतर आज पुन्हा २१ बांगलादेशी घुसखोरांना अटक केल्याने रांजणगाव औद्योगिक वसाहत बांगलादेशी घुसखोर व नक्षलवादी दहशतवादी यांचा अड्डा तर बनत नाही ना अशी शंका उपस्थित होत आहे.अजमुल सरतखान उर्फ हसिफ खान (वय ५० वर्षे), मोहम्मद अकबर अजीज अकबर सरदार (वय ३२ वर्षे), शफिकउल अलीमिया शेख (वय २० वर्षे), हुसेन मुखिद शेख (वय ३० वर्षे) , तरिकुल अतियार शेख (वय ३८ वर्षे), मोहम्मद उमर फारूखः

बाबु उर्फ बाबु बुकतीयार शेख (वय ३२ वर्षे), शाहिन शहाजान शेख (वय ४४ वर्षे) मोहम्मद हुसेन शेख (वय ३२ वर्षे), रौफ अकबर दफादार (वय ३५ वर्षे), इब्राहिम काजोल शेख (वय ३५ वर्षे) फरीद अब्बास शेख (वय ४८ वर्षे), मोहंम्मद सद्दाम अब्दुल सखावती (वय ३५ वर्षे), मोहम्मद अब्दुल हबीब रहेमान सरदार (वय ३२ वर्षे) आलीमिया तोहकील शेख (वय ६० वर्षे) मोहम्मद इसराईल फकीर (वय ३५ वर्षे), फिरोजा मुताकीन शेख (वय २० वर्षे), लिपीया हसमुख मुल्ला वय (३२ वर्षे), सलमा मलीक रोशन मलीक (वय २३ वर्षे), हिना मुल्ला जुल्फीकार मुल्ला (वय ४० वर्षे), सोनदिप उर्फ काजोल बासुदिप बिशेश (वय ३० वर्षे,), येअणुर शहदाता मुल्ला (वय २५ वर्षे, सर्व सध्या रा. कारेगाव, ता. शिरुर, जि.पुणे, मुळ रा बांगलादेश). यांना ताब्यात घेण्यात आले आहे.

याबाबत पोलिसांनी दिलेली माहिती पुढील प्रमाणे. दिनांक २१ ऑक्टोंबर २०२४ रोजी दहशतवाद विरोधी शाखा पुणे गग्रामीणचे सहाय्यक पोलीस निरीक्षक प्रकाश पवार हे आपल्या पथकासह रांजणगाव पोलीस स्टेशन परिसरामध्ये पेट्रोलींग करत असताना त्यांचे पथकातील सहाय्यक फौजदार विशाल गव्हाणे यांना गोपनीय माहिती मिळाली की, रांजणगाव एम आय डी सी पोलीस स्टेशनच्या हद्दीतील कारेगावच्या परिसरात काही बांगलादेशी नागरीक हे बेकायदेशीरपणे रहात आहेत अशी खात्रीलायक माहिती मिळाली होती.

सदर मिळालेल्या माहितीवरून पुणे ग्रामीणचे पोलीस अधीक्षक पंकज देशमुख, स्थानिक गुन्हे अन्वेषण शाखेचे पोलीस निरीक्षक अविनाश शिळीमकर, रांजणगाव पोलीस स्टेशनचे पोलीस निरीक्षक महादेव वाघमोडे यांचेमार्गदर्शनाखाली दहशतवाद विरोधी शाखे मधील पोलीस अधिकारी व पोलीस अंमलदार तसेच रांजणगाव एम आय डी सी पोलीस स्टेशनकडील पोलीस पथक कारेगाव परीसरामध्ये मिळालेल्या बातमीच्या आधारे शोध घेण्यात आला असून कारेगावच्या ता. शिरूर हद्दीमध्ये भाड्याने राहण्यास असणारे १५ पुरुष, ४ महिला व २ तृतीयपंथींना ताब्यात घेण्यात आले व या सर्वांना रांजणगाव पोलीस स्टेशनमध्ये आणून त्यांची चौकशी केली असता बांगलादेशी नागरीक असुन त्यांनी भारत देशात बेकायदेशीररित्या भारत बांगलादेश सिंमा ओलांडुन कोणताही वैध्य भारतीय पारपत्र परवाना धारण करत नसताना देखील भारतामध्ये प्रवेश करून महाराष्ट्र राज्य,

पुणे जिल्हयातील कारेगाव ता. शिरूर येथे बनावट भारतीय देशाचे आधारकार्ड, पॅनकार्ड व मतदानकार्ड धारण करून वास्तव्य करत असल्याचे निष्पन्न झाले आहे. त्यांच्यापैकी ९ व्यक्तीकडे बनावट आधारकार्ड, पॅनकार्ड व १ इसमाकडे बनावट मतदानकार्ड मिळुन आले आहे. या सर्वांना अटक करून त्यांच्यावर गुन्हा दाखल करण्यात आला आहे.ही कारवाई पुणे ग्रामीणचे पोलीस अधीक्षक पंकज देशमुख, पुणे विभागाचे अप्पर पोलीस अधीक्षक रमेश चोपडे, शिरूर उपविभागीय पोलीस अधिकारी प्रशांत ढोले, स्थानिक गुन्हे अन्वेषण शाखेचे पोलीस निरीक्षक अविनाश शेळीमकर,

रांजणगाव एमआयडीसी पोलीस स्टेशनचे पोलीस निरीक्षक महादेव वाघमोडे, यांच्या मार्गदर्शना खाली दहशतवाद विरोधी शाखेचे सहाय्यक पोलीस निरीक्षक प्रकाश पवार, सहाय्यक फौजदार विशाल गव्हाणे, पोलीस हवालदार विशाल भोरडे, रविंद्र जाधव, पोलीस कॉन्स्टेबल राजू मोसीन शेख, ओंकार शिंदे, तसेच रांजणगाव पोलीस स्टेशन चे पोलीस उपनिरीक्षक अविनाश थोरात, सहाय्यक फौजदार डी. आर.

शिंदे पोलीस हवालदार विजय सरजीने, विलास आंबेकर, पोलीस कॉन्स्टेबल उमेश कुतवळ, महिला पोलीस हवालदार विद्या बनकर, महिला पोलीस कॉन्स्टेबल शितल रौंधळ यांचे पथकाने केली आहे. सदर गुन्ह्याचा पुढील अधिक तपास रांजणगाव एम आय डी सी पोलीस स्टेशन कडील पोलीस उपनिरीक्षक अविनाश थोरात हे करत आहेत.

भारतीय न्याय संहिता कलम ३३६ (२), ३३६ (३),३३८,३४०(२) तसेच सहकलम भारतीय पारपत्र अधिनियम १९२० चे कलम ३, विदेशी अधिनियम १९४६ चे कलम १४ नुसार गुन्हा दाखल करण्यात आला आहे. सदर गुन्हयातील आरोपीतांना मा. प्रथमवर्ग न्यायदंडाधिकारी सो. शिरुर कोर्टात हजर केले असता मा. हु ।। कोर्टाने त्यांना दि. २४/१०/२०२४ रोजी पर्यंत पोलीस कस्टडी रिमांड दिले आहे.