WhatsApp Group
Join Now
गणेश राठोड
उमरखेड तालुका प्रतिनिधी
फुलसावंगी (ता. उमरखेड): पुनेश्वर संस्थान, श्री क्षेत्र फुलसावंगी येथील संस्थानतर्फे 29 नोव्हेंबर ते 6 डिसेंबरदरम्यान भागवत सप्ताह व सामूहिक विवाह सोहळ्याचे आयोजन करण्यात आले आहे.
गेल्या 29 वर्षांपासून संस्थान परंपरेनुसार हे कार्यक्रम अतिशय भक्तिमय वातावरणात साजरे करत आहे. यावर्षी प्रसिद्ध कथावाचक रामेश्वर खोडे महाराज यांच्या मार्गदर्शनाखाली सप्ताह सुरू होईल. समारोपाच्या दिवशी, 6 डिसेंबरला, पुनेश्वर मंदिर परिसरात सामूहिक विवाह सोहळा होणार आहे.
सामाजिक सलोखा आणि धार्मिक वातावरण वृद्धिंगत करण्यासाठी या सोहळ्याला विशेष महत्त्व आहे. यासाठी अनेक गावकरी व भक्तजन मोठ्या संख्येने सहभागी होणार आहेत.
कार्यक्रमास उपस्थित राहण्याकरिता संस्थानचे व्यवस्थापन सर्व भाविकांना आवाहन करत आहे.
Discussion about this post