स्व नितीन महाविद्यालयात मराठी भाषा गौरव दिन संपन्न.

पाथरी (प्रतिनिधी) अहमद अन्सारी पाथरी परभणी.
पाथरी येथील स्व.नितीन महाविद्यालयात दि.27फेब्रुवारी रोजी कवी कुसुमाग्रज यांचा जन्मदिवस मराठी भाषा गौरव दिन म्हणून साजरा करण्यात आला . यावेळी मराठी विभागाच्या वतीने॓’ मराठी व हिंदी भाषा एक अनुबंध’ या विषयावर प्राध्यापक डाॅ.एम .यु.खेडेकर यांचे व्याख्यान आयोजित करण्यात आले होते. प्रा. डॉ. खेडेकर यांनी मराठी व हिंदी या इंडो यूरोपियण भाषा वंशातील भाषा असून त्यांचा शब्दसंग्रह, व्याकरण व रूप व्यवस्था यामध्ये कमालीचे सारखेपणा आहे असे त्यांनी प्रतिपादन केले .यावेळी व्यासपीठावर कार्यक्रमाचे अध्यक्षस्थानी उपप्राचार्य डॉक्टर एस.टी . सामाले ,मराठी विभाग प्रमुख डॉ. जी.जे.मोरे व प्रो. डॉ.ए.जी. इजेगावकर उपस्थित होते .मान्यवरांच्या शुभहस्ते कवी कुसुमाग्रज यांच्या प्रतिमेचे पूजन करण्यात आले. कार्यक्रमाचे प्रास्ताविक प्राध्यापक डॉ. मोरे जी जे यांनी केले आभार व सूत्रसंचालन प्राध्यापक ठोंबरे एम डी यांनी केले .यावेळी विद्यार्थी व प्राध्यापक मोठ्या संख्येने उपस्थित होते
प्रतिनिधी अहमद अन्सारी पाथरी परभणी.