दशनाम गोसावी समाजाच्या दफनभूमीचा प्रश्न मार्गी लावावा- चंद्रकांत गिरी महाराज

अखेर उच्य न्यायालयाच्या आदेशा नंतर देगलूर येथील जुन्या एसटी बसस्थानक नूतनीकरणाच्या कामाला सुरुवात .देगलूर शहर तेलंगणा व कर्नाटक राज्याच्या सीमेलगत असलेले शहर आहे . सीमावर्ती भागातील अनेक प्रवासी या बसस्थानकातून रोज प्रवास करतात , शहरातील जुन्या बसस्थानकाची अत्यंत दुरवस्था झाल्याने प्रवाशांना मूलभूत सुविधांपासून वंचित राहावे लागत होते . बस स्थानक नूतनीकरणासाठी निविदा प्रक्रिया पूर्ण होऊन ७८ लाख रुपयाचा निधीही मंजूर करण्यात आला होता मात्र गुतेदाराकडून प्रत्यक्ष कामाला सुरुवात केले गेले नाही . गुतेदारकडून जलद गतीने नूतनीकरणाचे काम पूर्ण व्हावे यासाठी बालाजी मैलागिरे व धनाजी जोशी यांनी गेल्या वर्ष भरापासून अनेक वेळा संबंधित विभागाला अर्ज विनंती करून काम पूर्ण करण्याची मागणी त्यांनी केली होती . परंतु प्रशासनाच्या हालगर्जी पनामुळे त्यांच्या अर्जाची कोणतीही दखल घेतली गेली नाही . त्यामुळे त्यांनी ऍड . शिवानंद टेकवाड तमलूरकर यांच्या मार्फत मा . उच्च न्यायालय खंडपीठ औरंगाबाद येथे याचिका दाखल केली होती सदरील याचिकेवर सुनावणी न्यायमूर्ती आर.व्ही. घुगे व न्यायमूर्ती वाय.जी . खोबरागडे याच्या समोर सुनावणी झाली असता दोन्ही बाजुचा उक्तिवाद ऐकून सदरील नूतनीकरणाचे काम गुतेदाराने वेळेत पूर्ण करावे असे आदेश न्यायालयाने दिले आहेत. अपिलाअर्थी बालाजी मैलागिरे व धनाजी जोशी यांची बाजू ऍड.शिवानंद टेकवाड यानी मांडली.