घणसोली : आज दिनांक २७ फेब्रुवारी २०२६ रोजी मराठी भाषा गौरव दिनानिमित्त रुपश्री विद्यालय, घणसोली येथे अत्यंत उत्साहपूर्ण वातावरणात कार्यक्रम साजरा करण्यात आला. थोर कवी विष्णू वामन शिरवाडकर (कुसुमाग्रज) यांच्या जयंतीनिमित्त आयोजित या सोहळ्यात विद्यार्थ्यांनी मोठ्या आनंदाने आणि अभिमानाने सहभाग घेतला.
कार्यक्रमाची सुरुवात दीपप्रज्वलनाने करण्यात आली. विद्यार्थ्यांनी मराठी कविता सादर केल्या, प्रभावी भाषणे दिली तसेच मराठी संस्कृतीचे महत्त्व अधोरेखित केले. शाळेचा परिसर आकर्षक सजावटीने नटवण्यात आला होता. संपूर्ण वातावरण आनंदमय आणि उत्साहपूर्ण झाले होते.
शाळेचे माननीय मुख्याध्यापक श्री. यादव लक्ष्मण शेळके सर (प्राथमिक विभाग) तसेच श्री. संपत लक्ष्मण शेळके सर (माध्यमिक विभाग) कार्यक्रमास उपस्थित होते. शाळेतील सर्व शिक्षक वृंदावन उपस्थित होते.
कार्यक्रमादरम्यान लहान मुलांनी विविध पारंपरिक वेशभूषा परिधान करून सर्वांचे लक्ष वेधून घेतले. कोणी वारकरी, कोणी महादेव, कोणी संत ज्ञानेश्वर ,संत तुकाराम महाराज, तर कोणी राजमाता जिजाऊ, छत्रपती शिवाजी महाराज,महात्मा जोतिबा फुले ,संत जनाबाई,संत मुक्ताबाई,वासुदेव, मराठी शेतकरी, सावित्रीबाई फुले यांच्या वेशात सहभागी झाले होते.
मुलांच्या सुंदर सादरीकरणाने उपस्थितांचे मन जिंकले
नृत्य, भाषणे आणि मराठी संस्कृतीवर आधारित विविध कार्यक्रमांमुळे संपूर्ण वातावरण आनंदमय आणि उत्साहपूर्ण झाले होते. हा सोहळा अत्यंत रंगतदार आणि संस्मरणीय ठरला.
मराठी भाषा ही आपल्या संस्कृतीची ओळख आणि अभिमान आहे. अशा उपक्रमांमुळे विद्यार्थ्यांमध्ये मराठी भाषेप्रती प्रेम व जिव्हाळा अधिक दृढ होतो.
खरोखरच हा सोहळा अत्यंत रंगतदार, प्रेरणादायी आणि संस्मरणीय ठरला.
“मराठी भाषा – आपली शान, आपली ओळख!”
प्रतिनिधी : वैभव चंदने, नवी मुंबई
