🟠🟡🔵 ✨एस. एस. हायस्कूल व छत्रपती शिवाजी जुनिअर कॉलेज, नेसरी येथे मराठी भाषा गौरव दिन उत्साहात संपन्न✨ 🔵🟡🟠

नेसरी : प्रतिनिधी
एस. एस. हायस्कूल व छत्रपती शिवाजी जुनिअर कॉलेज, नेसरी येथे मराठी भाषा गौरव दिन विविध सांस्कृतिक व शैक्षणिक उपक्रमांनी मोठ्या उत्साहात साजरा करण्यात आला.
या कार्यक्रमासाठी शिक्षण समिती कसबा नेसरी संस्थेच्या सचिव, शिवाजी विद्यापीठाच्या सिनेट सदस्या डॉ. सौ. अर्चनाताई कोलेकर मॅडम, माजी प्राचार्या मा. सौ. पी. पी. शिपुरकर मॅडम, प्रशालेचे प्राचार्य मा. एस. जे. कालकुंद्रीकर, उपप्राचार्य एस. एन. पाटील सर, उपमुख्याध्यापक एस. एच. पाटील सर, पर्यवेक्षक पी. व्ही. सूर्यवंशी सर यांच्यासह वाय. व्ही. तरवाळ, के. बी. पाटील, एस. एस. देसाई, सौ. एस. व्ही. चव्हाण मॅडम, सौ. एस. व्ही. कांबळे मॅडम, श्री. पी. डी. निकम सर, सौ. एस. एस. नाईक मॅडम आदी शिक्षकवृंद उपस्थित होते.
कार्यक्रमाची सुरुवात ज्ञानेश्वरी ग्रंथ पूजन, सरस्वती पूजन व मराठी भाषेचे थोर साहित्यिक कुसुमाग्रज यांच्या प्रतिमेच्या पूजनाने मान्यवरांच्या हस्ते करण्यात आली. त्यानंतर इयत्ता पाचवी ते दहावीच्या पाठ्यपुस्तकांच्या मुखपृष्ठांचे डिजिटल भित्तिपत्रक तयार करून त्याचे उद्घाटन करण्यात आले.
विद्यार्थिनी लतिका गुरव व अल्फा शिंदा यांनी मराठी भाषेविषयी आपले मनोगत व्यक्त केले. सौ. नाईक मॅडम यांनी मराठी भाषेच्या संवर्धनाबाबत मार्गदर्शन केले. अनुष्का नरेवाडी हिने कथाकथन, तर दुर्वा पन्हाळकर हिने एकपात्री प्रयोग सादर करून उपस्थितांची दाद मिळवली. मराठी भाषा गौरव गीत एस. एस. गीत मंच व सुतार सर यांनी सादर केले.
संत गाडगे महाराज अध्यासन व करवीर साहित्य परिषद, कोल्हापूर यांच्या वतीने माजी प्राचार्या सौ. पी. पी. शिपुरकर मॅडम यांच्या कथासंग्रहाला प्रथम क्रमांक मिळाल्याबद्दल त्यांचा सत्कार करण्यात आला. यावेळी त्यांनी संस्कारांना प्राधान्य देत आई-वडील व शिक्षकांचा सन्मान करण्याचे आवाहन केले. तसेच प्राचार्य एस. जे. कालकुंद्रीकर सर यांनी मराठी भाषेची जपणूक व संवर्धन करण्याचे महत्त्व आपल्या मनोगतातून अधोरेखित केले.
मराठी भाषा गौरव दिनानिमित्त इयत्ता पाचवी ते नववी व अकरावीच्या विद्यार्थ्यांसाठी निबंध स्पर्धा व मराठी व्याकरणावर सामान्य ज्ञान स्पर्धा घेण्यात आल्या. विजेत्या विद्यार्थ्यांना शैक्षणिक व शालेय उपयोगी बक्षिसे देऊन गौरविण्यात आले. तसेच मराठी पंधरवड्यानिमित्त झालेल्या स्पर्धांमध्ये वेदांतिका गुरव (निबंध – प्रथम), दुर्वा पन्हाळकर (अभिवाचन – द्वितीय) व अनुष्का नरेवाडी (कथाकथन – द्वितीय) यांनी यश संपादन केले.
कार्यक्रमाचे सूत्रसंचालन व आभार प्रदर्शन श्री. वाय. व्ही. तरवाळ यांनी केले.