शहादा, दि. २४ (प्रतिनिधी)
शहादा शहरासह परिसरात सध्या भीतीचे वातावरण निर्माण झाले असून डोंगरगाव रोड परिसरात दोन अज्ञात महिलांनी धारदार चाकूचा धाक दाखवून दोन बालकांचे अपहरण करण्याचा प्रयत्न केल्याची धक्कादायक घटना समोर आली आहे. मात्र, चिमुरड्यांनी दाखवलेल्या प्रसंगावधान आणि धैर्यामुळे मोठा अनर्थ टळला.
⚠️ काय घडले नेमके?
सोमवारी रात्री सुमारे ७.३० ते ८ वाजेच्या दरम्यान डोंगरगाव रोड परिसरात दोन संशयास्पद महिला हातात चाकू घेऊन फिरत असल्याचे दिसून आले. त्याचवेळी घराबाहेर खेळत असलेले
👉 श्रेयस तुषार सनंसे
👉 दर्शन सतनामसिंग
या दोन बालकांना त्यांनी लक्ष्य केले.
महिलांनी चाकूचा धाक दाखवत मुलांना धमकावून पळवून नेण्याचा प्रयत्न केला.
💪 चिमुरड्यांचे धाडस
या गंभीर प्रसंगात श्रेयस आणि दर्शन यांनी अजिबात न घाबरता धैर्य दाखवले. त्यांनी महिलांचा प्रतिकार करत चाकूचा वार चुकवला आणि आरडाओरडा करत स्वतःची सुटका करून घेतली. मुलांच्या धाडसामुळे घाबरून त्या महिला घटनास्थळावरून पळून गेल्या.
🚓 पोलिसांची तत्काळ कारवाई
घटनेची माहिती मिळताच सामाजिक कार्यकर्ते व निवृत्त उपप्राचार्य डी. सी. पाटील यांनी तातडीने पोलीस प्रशासनाशी संपर्क साधला. पोलिसांनी घटनास्थळी धाव घेत पाहणी केली असून परिसरात तपास सुरू आहे.
गेल्या ४-५ दिवसांपासून परिसरात संशयास्पद हालचाली सुरू असल्याची चर्चा नागरिकांमध्ये सुरू आहे.
📦 नागरिकांसाठी महत्त्वाचे आवाहन
या घटनेच्या पार्श्वभूमीवर नागरिकांनी सतर्क राहण्याचे आवाहन करण्यात आले आहे :
- लहान मुलांना एकटे बाहेर पाठवू नये
- मुलांना स्वसंरक्षणाचे प्राथमिक धडे द्यावेत
- अनोळखी किंवा संशयास्पद व्यक्ती दिसल्यास तात्काळ पोलिसांना कळवावे
