पनवेल : प्रतिनिधी
रायगड प्रेस क्लब या सामाजिक बांधिलकी जपणाऱ्या संघटनेचा २१ वा वर्धापन दिन व पनवेल महानगर प्रेस क्लबचा प्रथम वर्धापन दिनानिमित पत्रकार सन्मान सोहळा बुधवार, ८ एप्रिल २०२६ रोजी सकाळी ११:०० वाजता पनवेल येथील क्रांतिवीर वासुदेव बळवंत फडके नाट्यगृहात आयोजित करण्यात आला . रायगड प्रेस क्लब चे अध्यक्ष प्रशांत गोपाळे यांच्या नेतृत्वाखालील या भव्य सोहळ्यात २०२६ सालचे प्रतिष्ठित पत्रकारिता पुरस्कार प्रदान केले गेले, पनवेल महानगर प्रेस क्लब यांच्या कडून या कार्यक्रमाचे संयोजन करण्यात आले.
मा.श्री.एस.एम.देशमुख मुख्य विश्वस्त, मराठी पत्रकार परिषद तथा संस्थापक, रायगड प्रेस क्लब यांच्या अध्यक्षतेखाली संपन्न झाला.
या सोहळ्यासाठी प्रमुख अतिथी मा.ना.श्री. नितेशजी राणे मंत्री, मत्स्यव्यवसाय व बंदरे, महाराष्ट्र राज्य,मा. श्री. प्रविणजी दरेकर गटनेता, भाजपा, महाराष्ट्र विधानपरिषद , मा.श्री. नितीनजी पाटील महापौर पनवेल महानगरपालिका,मा. श्री. महेंद्रजी घरत आंतराष्ट्रीय कामगार नेते काँग्रेस रायगड जिल्हाध्यक्ष,मा. श्री. प्रथमेश सोमण नगरसेवक,मा. श्री. मिलिंद अष्टिवकर अध्यक्ष, मराठी पत्रकार परिषद, मुंबई मा.श्री.बाळासाहेब पाटील मा. सभापती, कोकण म्हाडा,मा. श्री. मनोज खांबे सचिव, मराठी पत्रकार परिषद कोकण विभाग,मा.श्री. प्रशांतजी गोपाळे अध्यक्ष, रायगड प्रेस क्लब आदी मान्यवर उपस्थित होते. मान्यवरांच्या शुभहस्ते पुरस्कार प्रदान करण्यात आले.
समाजाच्या जडणघडणीत पत्रकारितेची भूमिका अत्यंत महत्त्वाची असून सत्य, निष्पक्षता आणि लोकहित जपणाऱ्या पत्रकारांचा सन्मान हा त्यांच्या कार्याचा खऱ्या अर्थाने गौरव आहे. पत्रकारितेच्या पलिकडे जाऊन सामाजिक बांधिलकी जपणे ही भावना देखील महत्वाची आहे. समाजाला दिशा देणाऱ्या सर्व पत्रकार बांधवांना पुढील वाटचालीसाठी हार्दिक शुभेच्छा दिल्या. त्याचप्रमाणे मुरुड-जंजिरा मुक्ती दिवस शासकीय पातळीवर साजरा होण्यासाठी निश्चित प्रयत्न करेन, अशी ग्वाही मंत्री नितेश राणे यांनी दिली.
पुरस्कार:-
आचार्य अत्रे राज्यस्तरीय संपादक सन्मान – श्री. कमलेश सुतार संपादक, झी २४ तास,
रायगड प्रेस क्लब जीवन गौरव सन्मान-श्री. उमाजी केळुस्कर जेष्ठ पत्रकार(अलिबाग),
क्रांतीज्योती सावित्रीबाई फुले महिला पत्रकार सन्मान-श्रीमती तृप्ती पालकर वृत्त निवेदिका, NDTV मराठी,
प्रकाश काटदरे स्मृती निर्भीड पत्रकार सन्मान-श्री. रविंद्रनाथ ओव्हाळ पत्रकार(पाली),संतोष पवार स्मृती युवा पत्रकार सन्मान-श्री. शिवराज पार्ट पत्रकार(पोलादपूर), प्रेस क्लब अँक्टिव्ह जर्नालिस्ट सन्मान-श्री. चंद्रहास नगरकर पत्रकार(महाड),श्री. अमूलकुमार जैन पत्रकार(मुरुड), निशिकांत जोशी स्मृती पत्रकार सन्मान-श्री. नरेश पवार जेष्ठ पत्रकार(पेण), दिपक शिंदे स्मृती व्हिडिओ जर्नालिस्ट सन्मान-श्री. स्वप्नील दुधारे पत्रकार(पनवेल),
ॲड.जनार्दन पाटील स्मृती शोध पत्रकार सन्मान-श्री. विद्यानंद ओव्हाळ पत्रकार(कर्जत), डॉ. सचिन पाटील स्मृती पत्रकारिता सन्मान-श्री. शशिकांत मोरे पत्रकार, (रोहा), रायगड प्रेस क्लब विशेष सन्मान-श्री. अजय कदम पत्रकार (माथेरान)’श्री. रवींद्र मोरे पत्रकार(खोपोली),
रायगड प्रेस क्लब सामाजिक कार्यकर्ता सन्मान – सौ.विजया कदम स्त्री शक्ती फाउंडेशन (पनवेल), सह्याद्री वन्यजीव रक्षणार्थ सामाजिक संस्था(कोलाड), हेल्प फाउंडेशन (खोपोली),
रायगड जिल्हा श्रमिक पत्रकारिता सन्मान – श्री. हरेश साठे पत्रकार(पनवेल),
श्री. विश्वजीत लुमन पत्रकार(रोहा)
पनवेल महानगर प्रेस क्लब सन्मान पुरस्कार:-
आंतरराष्ट्रीय नेत्रतज्ञ पुरस्कार-डॉ. सुहास हळदीपूरकर ज्येष्ठ नेत्रतज्ञ, पारदर्शक प्रशासक गौरव पुरस्कार- डायरेक्टर कम्प्लेंट मॅनेजमेंट महारेरा श्री. सुधाकर देशमुख, जीवनगौरव पुरस्कार-श्री. रमेश भोळे जेष्ठ पत्रकार,समाज प्रेरणा सन्मान: श्री. विजय लोखंडे,युवा उद्योजक सन्मान : श्री. वैभव ढवळे यांना पुरस्कार प्रदान करण्यात आले.
या सोहळ्यासाठी रायगड जिल्ह्यात पत्रकार बांधव तसेच नागरिक मोठ्या संख्येने उपस्थित होते.
