सातारा. पुसेगाव.
प्रतिनिधी. नित्यानंद मोरे.
देश स्वतंत्र होऊन 75 वर्षे पूर्ण झाली तरी जातीयवाद हा संपुष्टात न येता दिवसेंदिवस अनेक ठिकाणी जातीयवादा हा उफाळून वर येताना दिसत आहे. अशीच घटना सातारा जिल्ह्यातील पुसेगाव पोलीस स्टेशन हद्दीतील एका गावामध्ये घडली आहे. एका असह्य मातंग समाजातील कुटुंबावर काही समाजकंटकांनी जातीवादातून हल्ला करून अमानुषपणे मारहाण करण्याची घटना घडली आहे या घटनेची माहिती मिळताच बहुजन युथ पॅंथरचे जिल्हाध्यक्ष मा. अंकित वाघमारे आणि त्यांचे सर्व सहकारी मित्र मंडळी यांनी घटनास्थळी जाऊन मारहाण झालेल्या कुटुंबीयांची भेट घेऊन झालेल्या घटनेबाबत पुसेगावचे पोलीस निरीक्षक यांची भेट घेऊन तात्काळ आरोपींना अटक करण्याची मागणी केली आहे.
अन्यथा येणाऱ्या काळात बहुजन युथ पॅंथर आक्रमक भूमिका घेऊन सातारा जिल्हाधिकारी कार्यालयासमोर तीव्र स्वरूपाचे आक्रोश आंदोलन करणार अशी भूमिका पुसेगाव पोलीस निरीक्षक यांचे समोर मांडली आहे. यावेळी बहुजन युथ पॅंथरचे मा.जिल्हाध्यक्ष अंकित वाघमारे तसेच जिल्हा उपाध्यक्ष सुशांत भाई तुपे, संघटक चेतन तुपे, सातारा शहर उपाध्यक्ष विशाल यादव ,सचिव महेश चव्हाण, शहर संघटक अर्जुन वर्गाटे व इतर पदाधिकारी उपस्थित होते.
