अमेरिका/ इस्राईल – इराण युद्ध सुरू असून महिना उलटून गेला. या युद्धाच्या पार्श्वभूमीवर संपूर्ण देशात एल. पी. जी. गॅससाठी नागरिक त्रस्त होते; परंतु भारतभर गॅस संबंधी नागरिकांना दिलासा मिळूनही अजूनपर्यंत भिवंडी तालुक्यातील खारबाव गावातील
जीवदानी गॅस एजन्सी (H.P. गॅस वितरक) त्यांच्या ग्राहकांना गॅस देण्यास असमर्थ दिसत आहे. सदर वितरक खारबाव, टेंभवली, पालिवली, गाणे, फिरिंगपाडा, बंगलापाडा, मालोडी, पायगाव, पाये, वडघर, डुंगे, वडुनवघर आणि कालवार अशा एकूण १४ गावांमध्ये एल. पी. जी. गॅसची सेवा देत आली आहे. परंतु मध्य आशियातील २८ फेब्रुवारी २०२६पासून सुरू झालेले युद्ध ८ एप्रिल २०२६ शस्त्रबंदी होऊनही नागरिकांना गॅस पुरवठा होत नाही.
नागरिक त्रस्त होऊन दिवसभर रांगा लावून उभे असूनही त्यांना चांगला प्रतिसाद दिला जात नाही. वितरक दुकान बंद करून ठेवत असल्याने नागरिकांमध्ये संताप वाढत आहे. सदर परिसरातील नेते सुद्धा या गोष्टीची दखल घेताना दिसून येत असून लवकरात लवकर गॅस सिलिंडरचा पुरवठा केला जाईल असे आश्वासन त्यांनी वितरकाकडून घेतले आहे.
