श्रीगोंदा :- प्रतिनिधी
श्रीगोंदा येथील रयत शिक्षण संस्थेचे श्रीमंत राजमाता विजयाराजे शिंदे कन्या विद्यालयात कृत्रिम बुद्धिमत्तेवर आधारित उपकरणांचे प्रदर्शन मोठ्या उत्साहात संपन्न झाले. विद्यालयातील ” एआय ” विभागामार्फत हे प्रदर्शन आयोजित केले होते. मोठ्या संख्येने विद्यार्थिनींनी यात आपला सहभाग नोंदवला. प्रदर्शनाचे उद्घाटन रयत शिक्षण संस्थेच्या जनरल बॉडीचे सदस्य कुंडलिकराव दरेकर यांच्या शुभहस्ते तसेच शाळा व्यवस्थापन समितीच्या अध्यक्षा श्रीम. अश्विनी रणसिंग, डॉ. शुभांगी दरेकर, . वर्षा ढवळे ,आशा कुदळे, प्राचार्य . दिलीपराव भुजबळ, . शहाजी एकाड, विद्यालयाच्या मुख्याध्यापिका श्रीम. वर्षा भोईटे, पर्यवेक्षक ,. बाळासाहेब शिंदे, गुरुकुलप्रमुख किरण शिंदे आदी मान्यवरांच्या उपस्थिती संपन्न झाला. विद्यालयातील AI विभागाचे प्रमुख भूषण साळवे यांच्या मार्गदर्शनाखाली सदर प्रदर्शनाचे आयोजन करण्यात आले होते.
AI या तंत्रज्ञानावर आधारित थ्रीडी पेंटिंग, रोबोटिक्स, कोडिंग- डिकोडिंग, सेन्सर टेक्नॉलॉजी इत्यादी तंत्रज्ञानावर आधारित लक्षवेधक उपकरणे सादर करण्यात आली. सहावी ते सातवी व आठवी ते नववी अशा दोन गटात प्रत्येकी तीन उपकरणांची निवड करण्यात आली. यशस्वी विद्यार्थिनींना बक्षिसांचे वाटप करण्यात आले. या विद्यार्थिनींना गणेश फडताळे, कुंदन खामकर यांनी मार्गदर्शन केले. विद्यालयातील सर्व विद्यार्थिनींनी या प्रदर्शनाचा लाभ घेतला. यावेळी विद्यालयाची माजी विद्यार्थिनी कु. अश्विनी हिरडे हिची पुणे ग्रामीण पोलीस मध्ये निवड झाल्याबद्दल मान्यवरांच्या शुभहस्ते सन्मान करण्यात आला.
