पदव्युत्तर कृषी महाविद्यालयात सॉफ्ट स्किल्स व व्यक्तिमत्व विकास कार्यशाळेस तरूणांचा उत्स्फूर्त सहभाग
अंबाजोगाई (प्रतिनिधी)
कृषी प्रधान म्हणून ओळखल्या जाणाऱ्या भारताला जागतिक बाजारपेठ मिळवून द्यायचे असेल तर उत्तम धान्य तसेच त्याचे सुयोग्य असे व्यवस्थापन केल्यास आपला देश हा आघाडीवर असेल यासाठी तरूणांमध्ये व्यवस्थापन कौशल्ये आवश्यक असल्याचे प्रतिपादन ॲमेझॉन बेस्ट सेलिंग पुस्तकाचे लेखक तथा विश्वविक्रमवीर सर डॉ.नागेश जोंधळे यांनी पदव्युत्तर कृषी महाविद्यालय, चाकूर येथे आयोजित सॉफ्ट स्किल्स व व्यक्तिमत्व विकास या एकदिवसीय कार्यशाळेत केले.
या कार्यक्रमाच्या अध्यक्षस्थानी पदव्युत्तर कृषी महाविद्यालय, चाकूरचे अधिष्ठाता डॉ.संतोष कांबळे, तर विशेष अतिथी म्हणून कृषी महाविद्यालय, लातूरचे अधिष्ठाता डॉ.बाबासाहेब ठोंबरे, प्रमुख मार्गदर्शक म्हणून प्रेरणादायी वक्ते तथा आई सेंटर प्रो चे संचालक सर डॉ.नागेश जोंधळे, मुख्य व्यवस्थापक संदीप अंबेसंगे यांची प्रमुख उपस्थिती होती. पुढे बोलताना सर डॉ.नागेश जोंधळे यांनी पदव्युत्तर कृषी व्यवसाय व्यवस्थापनाच्या विद्यार्थ्यांना सविस्तर मार्गदर्शन करताना कॉर्पोरेट वातावरणात सॉफ्ट स्किल्स चे महत्व,
संभाषण कौशल्य व आत्मविश्वास वाढीसाठी तसेच मुलाखत (इंटरव्ह्यू) मध्ये हमखास यश मिळविण्यासाठी प्रात्यक्षिक स्वरूपात सादरीकरण करीत तरूणांमध्ये अधिक आत्मविश्वास वाढविला. यावेळी डॉ.जोंधळे यांनी तरूणांमध्ये मूलभूत कॉर्पोरेट शिष्टाचार आणि व्यावसायिक वर्तन, बायोडेटा लेखन कौशल्ये यांचे आकर्षक असे पाॅवरपॉइंट प्रेझेंटेशन व व्हिडिओच्या माध्यमातून प्रभावीपणे मांडले व पुढील यशस्वी करिअर करण्यासाठी मंगल कामना व्यक्त केल्या. यावेळी विशेष अतिथी असलेले कृषी महाविद्यालय, लातूरचे अधिष्ठाता डॉ.बाबासाहेब ठोंबरे यांनी नेतृत्व विकास या विषयावर मार्गदर्शन करताना विद्यार्थ्यांना नेतृत्व गुण, निर्णय क्षमता, टीम व्यवस्थापन व बदलत्या कृषी क्षेत्रातील संधी-आव्हाने याबाबत विचार मांडले.
या कार्यक्रमाचे प्रास्ताविक करताना संस्थेचे अधिष्ठाता डॉ.संतोष कांबळे यांनी सॉफ्ट स्किल्सचे महत्व स्पष्ट करताना विद्यार्थ्यांना आधुनिक स्पर्धेमध्ये पुढे जाण्यासाठी सर डॉ.जोंधळे यांच्या या कार्यशाळेचा लाभ घेत आपले करिअर अधिक उंचीवर नेण्यासाठीचे आवाहन केले. कार्यशाळेच्या सुरूवातीला प्लेसमेंट सेलच्या प्रमुख डॉ.ज्योती झिरमिरे यांनी संस्थेची प्रोफाइल, प्लेसमेंट संधी व करिअर याचे विवरण उत्कृष्टपणे मांडत या कार्यशाळेत उत्स्फूर्तपणे सहभाग नोंदविण्याचे आवाहन केले. या कार्यशाळेचे सूत्रसंचालन कु.संस्कृती महाजन यांनी केले. तर उपस्थितांचे आभार कार्यक्रम अधिकारी डॉ.अभिषेक राठोड यांनी मानले. कार्यशाळेच्या यशस्वितेसाठी महाविद्यालयाचे प्राध्यापक, कर्मचारी व विद्यार्थ्यांनी पुढाकार घेतला.
=====================
सोबत – बातमीचा फोटो.
