बातमी :
हिंगणघाट (प्रतिनिधी – प्रकाश झोडे) : Dr. B. R. Ambedkar यांच्या १३५ व्या जयंतीनिमित्त हिंगणघाट येथे १२ ते १४ एप्रिल २०२६ दरम्यान भव्य जयंती महोत्सवाचे आयोजन करण्यात आले आहे. Dr. Babasaheb Ambedkar Jayanti Mahotsav Samiti Hinganghat यांच्या वतीने हा महोत्सव डॉ. बाबासाहेब आंबेडकर चौक येथे पार पडणार असून विविध सामाजिक, शैक्षणिक, बौद्धिक आणि सांस्कृतिक कार्यक्रमांचे आयोजन करण्यात आले आहे
दि. १२ एप्रिल रोजी सकाळी अभिवादन कार्यक्रमाने महोत्सवाची सुरुवात होणार असून सामूहिक बौद्धवंदना, भिक्खू संघाच्या उपस्थितीत धम्मदेशना, तसेच भारतीय संविधानातील मूलभूत अधिकार या विषयावर वकृत्व स्पर्धा होणार आहे. “संविधान संस्कृती आणि आजचे राजकारण” या विषयावर परिसंवाद आयोजित करण्यात आला असून यासाठी डॉ. सरजनादित्य मनोहर अध्यक्षस्थानी राहणार आहेत, तर प्रियांका भारती आणि संजय आवटे यांचे मार्गदर्शन लाभणार आहे.
दि. १३ एप्रिल रोजी चित्रकला स्पर्धा, महिला परिषद, सांस्कृतिक कार्यक्रम आणि यूजीसी अधिनियम २०२६ या विषयावर विशेष परिसंवादाचे आयोजन करण्यात आले आहे.
दि. १४ एप्रिल रोजी अभिवादन व बाईक रॅलीने कार्यक्रमाची सुरुवात होणार असून डॉ. बाबासाहेब आंबेडकर यांच्या जीवनकार्यावर लेखी परीक्षा, आंबेडकरवादी कवी संमेलन, समारोप कार्यक्रम तसेच प्रबोधनात्मक कव्वालीचे आयोजन करण्यात आले आहे. यामध्ये मुंबईचे प्रसिद्ध कव्वाल राहुल शिंदे यांचा विशेष सहभाग राहणार आहे.
तीन दिवस चालणाऱ्या या महोत्सवात नागरिकांनी मोठ्या संख्येने सहभागी व्हावे, असे आवाहन आयोजकांनी केले आहे.
