नऱ्हे पोलिसांची कारवाई; पिस्तूल व जिवंत काडतुसेसह दोन उच्चशिक्षित तरुण गजाआड

बातमी :
पुणे : सिंहगड रस्ता परिसरातील नऱ्हे भागात दहशत माजवण्याच्या उद्देशाने बेकायदेशीर अग्निशस्त्र बाळगणाऱ्या दोन उच्चशिक्षित तरुणांना Nare Police Station Pune पोलिसांनी सापळा रचून अटक केली. त्यांच्या ताब्यातून एक लोखंडी पिस्तूल व चार जिवंत काडतुसे जप्त करण्यात आली आहेत.

या प्रकरणी साहिल सतीश मेहेर (मूळ रा. नाना चौक, सावेडी, अहिल्यानगर; सध्या द्वारका लॉज) व शुभम सचिन अजितराव (रा. संतोष नगर, कात्रज, पुणे) या दोघांना पोलिसांनी अटक केली आहे.

दि. ६ एप्रिल २०२६ रोजी पोलिसांना मिळालेल्या गुप्त माहितीच्या आधारे अभिरुची मॉलजवळील द्वारका लॉजमध्ये काही तरुणांकडे पिस्तूल असल्याची माहिती मिळाली. ही माहिती वरिष्ठ पोलीस निरीक्षक आसाराम शेटे यांना देण्यात आल्यानंतर त्यांच्या मार्गदर्शनाखाली कारवाई करण्यात आली.

पोलीस उपनिरीक्षक किरण रिटे व त्यांच्या पथकाने लॉजच्या दुसऱ्या मजल्यावरील खोलीवर छापा टाकला. तपासणीदरम्यान एका बॅगेत प्लास्टिकमध्ये गुंडाळलेले लोखंडी पिस्तूल व चार जिवंत काडतुसे आढळून आली. याशिवाय दोन मोबाईल फोनही जप्त करण्यात आले आहेत.

ही कारवाई वरिष्ठ पोलीस निरीक्षक आसाराम शेटे यांच्या मार्गदर्शनाखाली उपनिरीक्षक किरण रिटे, तसेच पोलीस अंमलदार प्रणिल मेस्त्री, निलेश बोर्डे, देवा चव्हाण, सुनील चव्हाण, अर्जुन कार्तिक कोंडे यांच्या पथकाने यशस्वीरित्या पार पाडली.