बातमी :
कन्नड (प्रतिनिधी) : कष्ट आणि जिद्दीच्या जोरावर ग्रामीण भागातील तरुणही मोठे यश संपादन करू शकतात, याचे उत्तम उदाहरण देवगाव रंगारी येथील चि. विकास विश्वनाथ रावते यांनी घालून दिले आहे. त्यांची Nashik Rural Police मध्ये निवड झाल्याने परिसरात आनंदाचे वातावरण पसरले आहे.
या यशानिमित्त प्रा. डॉ. संजय गव्हाणे (जिल्हा परिषद सदस्य तथा प्रदेश कार्यकारिणी सदस्य, भाजपा) यांनी विकास रावते यांच्या निवासस्थानी भेट देऊन त्यांचा सत्कार केला. यावेळी त्यांनी विकासच्या पुढील वाटचालीस शुभेच्छा देत ग्रामीण भागातील तरुणांसाठी हे यश प्रेरणादायी असल्याचे सांगितले.
या सत्कार समारंभास सुशील गंगवाल, किशोर दिवेकर, नितीन भांडवलदार, कृष्णा पगार, साईनाथ रावते, शिवनाथ रावते, सुरेश वाघुळे, बाळू रावते, मिलिंद दिवेकर यांच्यासह ग्रामस्थ मोठ्या संख्येने उपस्थित होते.
विकास रावते यांच्या या यशाबद्दल सर्व स्तरातून अभिनंदन होत असून, त्यांनी आपल्या जिद्दीच्या जोरावर गावाचे नाव उंचावले आहे.
