बातमी :
शहादा, दि. ११ : ज्येष्ठ नागरिक हे समाजाचे मार्गदर्शक असून त्यांना आधार व सहकार्याची गरज असल्याचे प्रतिपादन Prataprao Chavan यांनी केले. प्रकाशा येथील Kedareshwar Tirtha Prakasha परिसरातील प.पू. दगा महाराज आश्रमात नंदुरबार जिल्हा ज्येष्ठ नागरिक संघाची विशेष सहविचार सभा पार पडली.
या सभेच्या अध्यक्षस्थानी ॲड. गोविंद पाटील होते. व्यासपीठावर मोहन चौधरी, प्रा. जे. डी. पाटील, डॉ. सुरेश पाटील, रामजी पाटील, मीराबाई सोनवणे, रशिलाबेन देसाई, गजानन विसपुते, के. डी. गिरासे आदी मान्यवर उपस्थित होते.
कार्यक्रमाची सुरुवात Sane Guruji यांच्या “खरा तो एकची धर्म” या प्रार्थनेने करण्यात आली. उपस्थित सर्व ज्येष्ठ नागरिकांचा शाल व गुलाबपुष्प देऊन सन्मान करण्यात आला. प्रास्ताविकात के. डी. गिरासे यांनी संघटनेची उद्दिष्टे स्पष्ट केली, तर विविध मान्यवरांनी आपल्या मनोगतातून संघटनात्मक कार्यावर भर दिला.
याच सभेत अध्यक्ष प्रतापराव चव्हाण यांनी नंदुरबार जिल्हा ज्येष्ठ नागरिक संघाची नवीन कार्यकारिणी जाहीर केली. या घोषणेला उपस्थितांनी टाळ्यांच्या कडकडाटात मंजुरी दिली.
अध्यक्षीय भाषणात ॲड. गोविंद पाटील यांनी स्वावलंबनाचे महत्त्व अधोरेखित करत समाजसेवेचे व्रत जपण्याचे आवाहन केले. कार्यक्रमाचा समारोप पसायदान व पुष्पांजलीने झाला. आश्रमाचे प्रमुख मोहन पाटील यांच्या वतीने सर्व उपस्थितांसाठी स्नेहभोजनाची व्यवस्था करण्यात आली.
या कार्यक्रमास शहादा, मंदाणा, वडाळी, म्हसावद, नंदुरबार, तळोदा, प्रकाशा व लोणखेडा परिसरातील अनेक ज्येष्ठ नागरिक मोठ्या संख्येने उपस्थित होते. आभार प्रदर्शन के. डी. गिरासे यांनी केले.
