बातमी :
शहादा, दि. ११ (प्रतिनिधी) : क्रांतीसूर्य Mahatma Jyotiba Phule यांच्या १९९ व्या जयंतीनिमित्त शहादा येथे अभिवादन कार्यक्रमासह भव्य रक्तदान शिबिराचे आयोजन करण्यात आले. Samata Parishad व समस्त माळी समाज बांधवांच्या वतीने हा उपक्रम राबविण्यात आला.
स्टेट बँक चौकातील महात्मा फुले व Savitribai Phule यांच्या स्मारकस्थळी कार्यक्रम पार पडला. सुरुवातीला महापुरुषांच्या प्रतिमांना पुष्पहार अर्पण करून विनम्र अभिवादन करण्यात आले.
यावेळी नगराध्यक्ष अभिजीत पाटील, उपनगराध्यक्षा माधवीताई पाटील, भाजप जिल्हा उपाध्यक्ष प्रा. मकरंद पाटील, उपविभागीय पोलीस अधिकारी दत्ताजी पवार, तहसीलदार संभाजी पाटील, पोलीस निरीक्षक हेमंतकुमार पाटील तसेच ज्येष्ठ नेते डॉ. कांतीलाल टाटिया यांची प्रमुख उपस्थिती होती. विविध राजकीय पक्षांचे पदाधिकारी, सामाजिक कार्यकर्ते व नागरिक मोठ्या संख्येने उपस्थित होते.
कार्यक्रमादरम्यान डॉ. कांतीलाल टाटिया व माजी नगरसेवक रविंद्र जमादार यांनी महात्मा फुले यांच्या सामाजिक व शैक्षणिक कार्यावर प्रकाश टाकत त्यांच्या विचारांची आजच्या काळातही गरज असल्याचे प्रतिपादन केले. प्रास्ताविक राजेंद्र वाघ यांनी केले, सूत्रसंचालन विष्णू जोंधळे यांनी केले तर आभार रमाशंकर माळी यांनी मानले.
दरम्यान, आयोजित रक्तदान शिबिरात युवकांचा उत्स्फूर्त प्रतिसाद मिळाला. एकूण ५० रक्तदात्यांनी रक्तदान करून सामाजिक बांधिलकी जपली.
हा कार्यक्रम यशस्वी करण्यासाठी रोहनकुमार माळी, जगदीश माळी, यादव माळी, महेश माळी, वासुदेव माळी, बापू माळी, प्रविण वाघ, ईश्वर रोकडे, विपूल रोकडे, ईश्वर माळी, डी. डी. महाजन आदींनी परिश्रम घेतले. समता परिषद व माळी समाजाच्या या उपक्रमाचे शहरात सर्वत्र कौतुक होत आहे.
