मंठा प्रतिनिधी / मंठा तालुक्यातील पाकणी गावातील धार्मिक व सांस्कृतिक वातावरण अधिक बळकट करणारा अखंड हरिनाम सप्ताह दि. १३ एप्रिल, सोमवारपासून मोठ्या भक्तिभावाने सुरू होत आहे. या सप्ताहाचे आयोजन ग्रामस्थांच्या सहकार्याने करण्यात आले असून, संपूर्ण गावात भक्तिमय वातावरण निर्माण झाले आहे.
या अखंड हरिनाम सप्ताहादरम्यान दररोज हरिनामाचा गजर, भजन-कीर्तन, प्रवचन तसेच विविध धार्मिक कार्यक्रमांचे आयोजन करण्यात आले आहे. गावातील तसेच परिसरातील भाविक भक्त मोठ्या संख्येने सहभागी होणार असल्याची अपेक्षा आयोजकांनी व्यक्त केली आहे. तसेच पाकणी व परिसरातील सर्व भाविक भक्तांनी या सप्ताहात सहभागी होऊन हरिनामाचा लाभ घ्यावा, असे आवाहन आयोजक समितीच्या वतीने करण्यात येत आहे..
सप्ताहाच्या निमित्ताने मंदिर परिसराची स्वच्छता व सजावट करण्यात आली असून, आकर्षक रोषणाई देखील करण्यात आली आहे. या कार्यक्रमामुळे गावात आध्यात्मिक एकात्मता वाढून समाजात सद्भावना आणि बंधुभाव दृढ होईल, असा विश्वास आयोजक यांनी व्यक्त करण्यात येत आहे.
