पाथरी (प्रतिनिधी) अहमद अन्सारी पाथरी परभणी
पाथरी येथील डी.जे.पी.एस. फार्मसी महाविद्यालहयात क्रांतीसूर्य महात्मा ज्योतिबा फुले यांची जयंती उत्साहपूर्ण वातावरणात साजरी करण्यात आली. यावेळी संस्थेचे समन्वयक श्री. रमेश पाटील, प्राचार्य डॉ. रमेश इंगोले,विभाग प्रमुख प्रा.पिंपळे सर,जी.प्रा.मिलिंद सुर्यवंशी , तसेच सर्व शिक्षक ,शिक्षिकेतर कर्मचारी ऊपस्थीत होते .यावेळी क्रांतीसुर्य महात्मा ज्योतिबा फुले यांच्या प्रतिमेस पुष्पहार अर्पण करून अभिवादन करण्यात आले . उपस्थितांनी त्यांच्या कार्याचा स्मरण करून समाजसेवेची प्रेरणा घेतली.
यावेळी बोलताना प्राचार्य डॉ. रमेश इंगोले यांनी महात्मा फुले यांच्या महान कार्यावर सविस्तर प्रकाश टाकला. त्यांनी सांगितले की, महात्मा फुले हे भारतीय समाजसुधारणेचे अग्रदूत होते. त्यांनी स्त्रीशिक्षणाची मुहूर्तमेढ रोवली आणि समाजातील अस्पृश्यता, जातीय भेदभाव व अज्ञानाविरुद्ध कठोर लढा दिला. शिक्षण हेच समाजपरिवर्तनाचे प्रभावी साधन आहे, हा संदेश त्यांनी आपल्या कार्यातून दिला.
डॉ. इंगोले पुढे म्हणाले की, महात्मा फुले यांनी सावित्रीबाई फुले यांच्या सहकार्याने मुलींसाठी पहिली शाळा सुरू करून शिक्षणाच्या क्षेत्रात क्रांती घडवली. त्यांनी शेतकरी, दलित व वंचित घटकांच्या हक्कांसाठी आवाज उठवला. त्यांच्या विचारांचा आदर्श आजही समाजाला दिशा देणारा आहे. विद्यार्थ्यांनी त्यांच्या विचारांचे अनुकरण करून समाजहितासाठी कार्य करावे, असे आवाहनही त्यांनी यावेळी केले.
कार्यक्रमाच्या शेवटी सर्वांनी महात्मा फुले यांच्या विचारांनुसार समाजसेवा व समतेसाठी कार्य करण्याचा संकल्प केला.
